鄭伊健接受好友譚玉瑛（阿譚）訪問，大爆當年兩人合作兒童節目時，阿譚已經飲紅酒，但當時社會封建：「飲紅酒就唔可以做兒童節目。」故37年來一直為對方保守秘密。而阿譚亦爆伊健當年記稿最差。
【新聞有價 記者有格 立即訂閱：http://bit.ly/3wGQh7c 】
鄭伊健早年與譚玉瑛合作兒童節目《430穿梭機》而成為好友，伊健接受好友阿譚、何基佑及麥皓兒主持的電台《QK玉瑛室》訪問。伊健與阿譚久別重逢不但沒有芥蒂，反而互窒兼互相爆料。
伊健與蒙嘉慧結婚超過10年，近年閒時旅居日本，伊健更打本給Yoyo在日本開設房地產公司，生活優哉游哉。問到由兒子變成丈夫的心態有沒有轉變？伊健指沒有，家中亦沒有權話事：「都係兩個人啫！我哋兩個想法好接近，夠用就得，已經好開心。」阿譚問到為何不生育，伊健指看新聞覺得世界太亂，所以怕了。
提到事隔數年，Yoyo近日決定「回流」返港，伊健說：「嗰邊學習完就算，依家游手好閒。」問到太太是否陪他打機，伊健笑言看看是那種遊戲，更大爆Yoyo有少少沉迷：「我係試玩，但佢一定要打爆機，鍾意玩就會係咁玩，直至有一日唔想玩。（你影響太太？）唔關事，佢本身性格好男仔頭。」何基佑形容伊健有太太陪打機，絕對是人生勝利組。
阿譚表示自己一次機都未打過，伊健即笑指：「但你係飲紅酒師祖級人馬。」他隨即要爆料說：「佢做緊兒童節目時已經飲紅酒，但嗰時社會好封建，話飲紅酒就唔可以做兒童節目，所以我保守個秘密直至依家先講。」阿譚就大爆伊健拍兒童節目時記稿最差，但伊健給他的感覺十分乖巧又正氣：「佢啱啱出嚟做嘢，有日同佢傾計講抱負，佢話第日要買間屋比父母住。」
不過伊健自爆當初聽前輩意見，賺到錢要買樓投資，怎料慘變負資產：「我好聽話真係買咗樓，點知一買樓市就冧，可能買多咗，變咗負資產，已經唔記得蝕幾多，總之我就明白一句說話，就係『無事一身輕』，點會諗到好畀心機工作，但無啦啦多撻瘌，好彩仲有得做，慢慢填晒啲氹。」
