鄭中基（Ronald）睽違7年再開演唱會，上周末《Fragments of Wonder 鄭中基世界巡迴演唱會2023》以澳門作為演唱會的首站，亦由鄭中基的公司「機動娛樂」第一次做主辦，同時首度擔任演唱會監製的Ronald說：「終於自己做監製，太多嘢想做，好多謝fans支持我咁多年，所以我今次將歌酬都放埋落製作，作為回饋大家！」
演唱會上，Ronald唱出多首代表作，以早年金曲《搬屋》、《想愛你》、《你的眼睛背叛我的心》和《絕口不提我愛你》開場，令歌迷勾起回憶，一向喜帶驚喜予觀眾的Ronald 不止唱歌，他更在台上說：「今次想有啲新嘢，我兩個小朋友細個時，爺爺送Ukulele 俾佢地培養音樂興趣，當時我同佢地一齊唱《Some where over the rainbow》，所以今次揀嚟送俾大家！」Ronald又首度演唱新歌〈答案》，之後再一連串唱出《許願樹》、《八爪魚》、《救救我》、《不好笑》和《我代你哭》，令歌迷們如癡如醉。
當唱到《無賴》時候，全場更超過6千人大合唱；Ronald又首次公開演唱電影《我要做Model》主題曲《Beautiful People》，更以色彩繽紛的造型，讓大家回憶湧現，Ronald說：「這是黃偉文唯一寫俾我嘅歌，希望去到倫敦站可以在台上唱俾佢聽！」是晚前來支持Ronald的，除了蝦頭、Edan（呂爵安）外，還有「機動兵工廠」6位學員周芷慧、陳昭煊、李煥林、何求、陸維德、林美圻；因此Ronald在演唱會不忘推介叫大家訂閱Channel及成為「自機友」，引來觀眾以「Wee」來回應已是「自機友」！
最後Ronald向歌迷表露心聲：「今次搞呢個演唱會經歷咗好多嘢，一言難盡，總之一句嘢講晒：我哋做到啦！」唱出最後一首歌前，他笑言：「今次演唱會係帶出要積極面對人生，要開開心心唔『賣慘』！我係《My Only One》!」在全場歡笑聲之下作結，為澳門站首場每位觀眾注滿正能量！
#鄭中基 #機動娛樂 #鄭中基世界巡迴演唱會 #Fragments of Wonder
