鄧麗欣（Stephy）日前為新歌MV拍攝一場分離場口時情感大爆發，淚流滿面，演出細膩動人。而男主角梁仲恆當日冒着10度低溫拍落水戲，笑言甘為Stephy拚命演出，獲對方大讚專業。
鄧麗欣近日推出新歌《不可得》，邀得好戲之人梁仲恆（阿炳）擔任MV男主角。MV從阿炳的夢境出發，講述當人面對失去時的抉擇。其中一幕講到阿炳在夢中遇溺，雖然拍攝清晨氣溫只有10度，不過阿炳笑言在水中掙扎加促血氣運行，所以並沒有想像般寒冷。
每當他一上水，工作人員立即為他披上保暖氈保暖。阿炳搞笑表示：「本身有少少想推，但因為導演話Stephy會同我一齊落水，我即刻拚咗條命出去，點知原來係騙局嚟。」Stephy鬼馬回應說：「嗱！唔關我事，我係唔知呢單嘢，我一早講咗唔會落水。我心諗，阿炳咁好嘅，咁樣落水都肯。」兩人互望大笑後，Stephy感激對方，又大讚他很好和專業。
每當他一上水，工作人員立即為他披上保暖氈保暖。阿炳搞笑表示：「本身有少少想推，但因為導演話Stephy會同我一齊落水，我即刻拚咗條命出去，點知原來係騙局嚟。」Stephy鬼馬回應說：「嗱！唔關我事，我係唔知呢單嘢，我一早講咗唔會落水。我心諗，阿炳咁好嘅，咁樣落水都肯。」兩人互望大笑後，Stephy感激對方，又大讚他很好和專業。
另一幕講到阿炳夢見小時候與Stephy相處的美好時光，Stephy與飾演阿炳童年的劉皓嵐一同吃飯，還親手切蘋果給對方，場面溫馨。她隨後帶着行李離開，皓嵐追到門前，二人對望相擁時，Stephy淚流滿面難掩不捨之情，場面感人。阿炳呷醋表示：「皓嵐同Stephy有對手戲，但我冇，我就覺得唔公平嘅。」他忍不住大笑說：「我以為有落水戲，最後直頭連對手戲都冇，天大騙局。」Stephy問他是否想走時，場面感人。阿炳說：「唔係！我見到你都開心。」
Stephy表示今次的全新曲風為歌迷帶來驚喜。她透露與作曲及監製的賴映彤（小彤）傾的時候，大家都好有共識向邊個方向行，收到曲之後就即刻想起小克，好想小克幫她填詞。她表示好鍾意份詞，歌曲所講是她一直想講的，不會好講道理，又貼合到大家嘅生活，成個配合是天衣無縫。
將於3月舉行首個紅館演唱會的Stephy，亦有透露籌備情況：「心情都幾複雜，最近要處理好多嘢，例如呢首歌，新鮮錄好幾日就嚟拍MV，仲有啲電影宣傳。除咗呢啲，剩低嘅時間就一心一意準備演唱會。」阿炳問她會否在個唱上跳舞，Stephy說：「點都要跳少少」，及後原地跳了一下，阿炳笑說：「睇得出有練喎，非常期待！」
