郭富城（Aaron）以環保大使身份，早前與卡通人物「Baby Shark」一齊拍宣傳片宣揚環保，Aaron今日現身紅磡出席活動，呼籲大家減用塑膠改用木餐具，Aaron又透露兩個兒女大寶和二寶都是Baby Shark的Fans，連自己都變為Fans。
【新聞有價 記者有格 立即訂閱：https://bit.ly/3wGQh7c】
另外，有指Aaron日前被發現與多位舞蹈員在石板街拍跳舞場面，他透露是為了一個大型廣告拍攝，是給全世界人看的一個廣告，相當有義意，但詳情不能講太多。他說：「好耐冇試過喺香港用自己嘅舞蹈去傳遞訊息，今次以全舞蹈表達，係非常特別。」
講到早前大寶生日，Aaron作為廿四孝老竇，表示為女兒搞了一個小型生日派對，讓她和朋友仔一齊開心慶祝。城城稱兩個女都喜歡穿公主裝，愛扮演《冰雪奇緣》內的Elsa和Anna：「咁女仔着公主裙係特別靚嘅，我兩個女可能因為媽媽關係，都鍾意打扮囉，自己已識得揀衫。二寶好乖佢做Anna，畀家姐做Elsa，識禮讓，佢哋年紀差唔多，但就冇呷醋，咁佢哋係公主，我當然係父王啦！」
最後，問到Aaron又會否讓女兒上台表演時，他則表示不會，因為都想保持低調，而演唱會已在計劃中，希望可在明年適當的時間，大家可以不用戴口罩入場睇。
（資料和片段由 田木集作 提供）
