組合ERROR成員郭嘉駿（193）即將踏入35歲，他與粉絲舉行生日派對。郭嘉駿指已不會再反擊haters，亦希望粉絲不要再因為haters攻擊他而不開心。
【新聞有價 記者有格 立即訂閱：https://bit.ly/3wGQh7c】
周二（14日）生日的郭嘉駿昨日與400粉絲慶生，口直心快又搞笑的193一出場先指fans club無錢，所以要充當司儀，自己主持自己生日會。他指因為抗拒酒樓舉行生日會，所以選擇了今日有基本設施的地方，193說：「酒樓做我唔係好接受啲紅紅紫紫顏色，又唔想大家掛住食乳豬，或者使唔使大家投票，睇想唔想下年係酒樓搞。」
提到他有份主演的劇集《無用的謊言》，有粉絲問他有那場戲最想重拍，193說：「爸爸返嚟偷錢，然後推低Alice嗰段，有句對白好重要，『我哋一出世就係咁嘅人，注定就係咁』，我覺得自己做得唔係太好，當日over咗，拍攝好急，未消化到導演講嘅嘢。」
193其後在切蛋糕環節，與全場粉絲唱中英文版生日歌。至於生日願望，193說：「希望每年都見到大家，除非我退休！大家最緊要身體健康開開心心，唔好似我同人嘈交！有咩就開心面對，見到有啲人鬧我唔使唔開心，幫佢哋解決唔開心，平時反擊佢哋都係想教佢哋，我已經過咗嗰個狀態，而家係唔會嬲啲Haters，我係同情佢哋，希望所有人都變得更好！突然間講嘢好好保錡㖭，正能量導師！」
除了粉絲花盡心思同193慶生外，193亦在家中找出一些用過有紀念價值嘅物品，好像「死腳膠」限量T、與193出生入死拍攝團綜《ERROR死腳膠千萬巨蛋自作夢》的頭巾等作現場抽獎送給粉絲。而193表示生日當日不會休息，要為演唱會工作排練，在完成演唱會亦未有機會放假，已排了拍攝全新的藍球節目工作。
