由新晉導演曾慶宏執導，毛舜筠、謝君豪、呂爵安Edan@MIRROR、談善言、袁澧林、盧瀚霆Anson Lo@MIRROR及馮素波主演，以家人關係為主軸的電影《過時·過節》將於11月24日上映，距離上映期尚有一個月，電影公司今日再釋出全新預告及6張角色海報。
【新聞有價 記者有格 立即訂閱：https://bit.ly/3wGQh7c】
毛姐在早前與導演在IG直播中曾表示好喜歡這部戲，「起初收到劇本時候，已經好喜歡入面所講嘅嘢，家人之間嘅關係，都好似同我哋每一個人有關。呢部電影入面，爸爸媽媽同仔女之間係好真實，好似發生喺我哋身邊好真實嘅事咁。我相信大家睇完會好有共鳴。」
毛姐又謂：「電影入面每場同謝君豪兩夫妻嘅戲，都展現到好多夫妻之間相處嘅困難，好似我想釋放心入面嘅情緒，但係對方無論如何都係沉醉喺自己嘅世界入面，唔善於回應同交流。劇本每一場都寫得好真實細緻，會見到我地雙方嘅情緒轉變。而一班新生代演員，好似兩個女仔談善言、袁澧林簡直係好勁，大家會見到好唔一樣嘅Edan，而Anson嘅表現亦都相當之好！」
豪哥則表示：「故事入面，喺個仔Edan離家出走之後，我同毛姐兩夫妻嘅角色各自承受住內心嘅悲痛，冇辦法面對亦冇辦法跨越，所以長期都係停滯不前嘅狀態，導致大家漸行漸遠。導演俾好多空間我哋去表現角色微細嘅情緒變化，而呢個屋企入面人與人之間嘅關係都會互相帶動同影響，令角色充滿真實感。」
而飾演兒子阿陽的呂爵安，需要應付不少情緒戲份，他透露事前也有請教毛姐和豪哥：「前輩們都好無私教咗我好多野，袋咗好多錢落我袋，好似毛姐會提點我拍攝嘅時候，要投入角色當下嘅狀態，唔好諗住咁多野，要捉住嗰刻嘅情緒。而豪哥私下好玩得好挑皮，會成日同我講笑之餘，提醒我嘗試放慢節奏，令我感覺更加穩定，可以順住佢嘅步伐去演。」
談善言則笑言拍攝此片有不少偷師機會：「我同袁澧林特別喜歡睇毛姐同豪哥嘅對戲，即使冇我哋嘅戲份，我哋都會一齊去拍攝現場從旁欣賞，親身感受兩位前輩點樣從容去處理情緒咁重嘅場面。」
