女團COLLAR成員王家晴（Candy）首次於電影擔任女主角，飾演姜皓文（黑仔）的女兒。黑仔大讚Candy勤力又認真：「我哋呢啲世叔伯好鍾意佢！」
姜皓文與楊偉倫宣傳主演的恐怖喪屍片《邪Mall》。電影是困獸鬥的格局，講述被喪屍包圍的他們如何衝出死場，黑仔表示當中有很多人情世故的元素：「當中有講及香港的情懷，究竟一啲舊事舊物，係咪真係唔可以容納到呢？ 亦都有講我同王家晴嘅父女情，同埋同阿卵嘅友情，其實好有人情味，而做我個女嘅Candy，我覺得佢好勤力，好乖又好認真！我哋呢啲世叔伯好鍾意佢！」
楊偉倫坦然驅魔那一場令人非常難忘：「首先在場真係有一個真正嘅師傅喺度做顧問，擇定時辰去拍每一場戲，跟住有一場幫人驅魔嘅場面，師傅就教我念一啲真正嘅經文，跟住畀啲真正可以招魂嘅法寶我！咁我問咁咪真係招到真嘅嘢囉！師傅話係呀！不過唔使驚，有咩頭暈身㷫我喺度呀嘛！嘩！嗰下我先驚呀！點知拍咗一兩次我真係見頭暈喎！以為真係撞到啲邪嘢啦！諗諗下唔係喎，我冇食宵夜喎！哈哈哈！」
講到現實中有冇遇過靈異事件，他就笑言從來未試過，所以拍戲「撞」下都好有趣。而黑仔就分享小時候曾經見過死去的親人：「我曾經喺細個嘅時候，見到我死咗嘅太婆，仲要係面對面好近嗰隻！對住我笑咗一笑就走咗喇！」
#COLLAR #王家晴 #姜皓文 #楊偉倫 #邪Mall #驅魔 #靈異事件
