曾志偉主演的內地網絡電影《全城風暴》近日上線，除了電影海報被指抄襲The Rock主演的《高凶浩劫》，劇情更加引起大量網民討論，劇情唔合理、特技差之餘，曾志偉飾演消防員一角，也被質疑內地當消防員身高是否有規定等等。
【新聞有價 記者有格 立即訂閱：https://bit.ly/3wGQh7c】
《全城風暴》劇情講述，一場災難、主角救人、主角死咗、完。好唔好睇未必要睇套戲，睇留言一定最清楚。有網友指劇情犯駁，其中一個貨櫃箱被強風吹倒後，繼續向前移動迫向曾志偉，而曾志偉等人只識得向前走而唔識向兩旁避開，網友留言話：「睇咗少少，想問點解明明個貨櫃移動咁慢佢哋唔向左走向右走？」有人反問：「因為腳短？」有網友形容套戲：「爛到喊，用垃圾來影響（形容）是對垃圾的一種侮辱」、「可以反常理再反物理…都算成就既」、「點解啲樓啲橋可以爛到豆腐渣咁嘅？？點解嘅？」、「咁搞笑既屋企爆炸炸唔到個細路仲要忽然喺窗外面（指細路）」。
當然153嘅身高亦成為焦點，網友留言：「minions救地球」、「不懂是不是我見識少，消防員最低身高接受度是多高？」曾志偉一場爬樓救人戲，替身明顯高過本人，「好似生高左（咗）隻腳長番」。
至於特技方面，有場戲講志偉在一所破爛的建築物前面走過，幕後在建築物做了破爛的效果，但當曾志偉走過建築物前時，該效果竟然跳到曾志偉之前，非常離譜。
