許靖韻日前於佛山完成今年巡演首站，除了大唱多首代表作，更向粉絲們來個深情剖白，分享這兩年巡演的心路歷程，又預告已密鑼緊鼓準備新歌，更希望今年在港開騷。
【新聞有價 記者有格 立即訂閱：https://bit.ly/3wGQh7c】
許靖韻（Angela）內地巡迴音樂會的佛山站，對她來說別具意義。她坦言這個音樂會就如她這段時間的精神食糧：「佛山站騷特別地不捨，因為呢個巡演好似陪伴咗我都一至兩年，好似係我呢一段時間嘅一個精神食糧。所以每次見到歌迷都係一個期待，好多謝佢哋一路俾呢個期待我，多謝佢哋嘅陪伴。」她直言雖然很多人因翻唱作品認識她，但她希望大眾記住：「我係歌手許靖韻。」
談到今年計劃，Angela透露正製作新歌，目標是突破慘情歌路線：「想出慘情歌以外多啲唔同類型嘅作品，可能會係一啲比較band sound類型。其實之前，我諗5、6年前有出過《琢磨》同埋《被討厭的勇氣》，可能係一啲比較正能量嘅歌，而家仲係製作當中，希望今年可以多啲唔同類型，快歌又得。」她又提到自己一直有寫歌，並希望今年有機會推出至少一首自己寫的作品。
除此之外，於香港開騷亦是Angela今年的目標之一，她說：「好多年冇喺香港開騷，當然好想，因為一路巡演嘅時候見到好多留言，問幾時會有香港站？會唔會有香港場？自己都好希望，亦都一路有同公司溝通，希望今年係會實現到。」
