許冠文、黃子華、衛詩雅等主演的電影《破．地獄》上映逾兩個月，票房逾1.5億元。許冠文與衛詩雅出席謝票活動時，坦言希望票房收2.2億，寓意香港人打破任何困難。
英皇電影《破．地獄》上映第11周，最新港澳累積票房數字突破1億5千8百萬。而許冠文、衛詩雅（Michelle）及導演陳茂賢前日現身大圍出席謝票活動。
許冠文笑言望電影票房收2.2億，寓意香港人打破任何困難。他於謝票後分享感言，語重心長祝願香港人及香港電影同樣向好：「我同好多香港人一樣，一生都希望進步同埋破紀錄，一生人都曾經追求過幾次，係呢位天才洋溢嘅導演（陳茂賢）嘅作品又令到我再感受到一次。不過今次未破得哂，仲有6000萬左右就可以破到香港所有電影嘅紀錄，嗰部係2億2千萬票房嘅《End Game》（《復仇者聯盟：終局之戰》）。」他續說：「如果大家已經睇咗四次，唔爭在睇夠八次。呢個唔只係我嘅夢，如果香港可以有一部2億2千萬票房嘅香港電影，咁就證明香港人可以做任何嘢，雖然暫時環境比較惡劣，不過我哋好快就可以破任何困難，任何嘅紀錄。」
除了現身謝票外，許冠文更為同場的Michelle帶來一支酒作結婚禮物，他表示下月跟家人外遊，未能親身出席Michelle的婚禮，因此於謝票期間驚喜送上心意，他更笑言：「之前我個女嫁之前，我都係同佢開咗支酒分享心事，仲同佢講咗好多男人嘅秘密，不過就唔方便喺呢度講，哈哈！」搞鬼的許冠文更約定Michelle再聚，私底下分享。而Michelle接過禮物更眼泛淚光多謝許冠文，她說：「感覺真係多咗一個阿爸，好感動，我同佢個女一樣都係咁啱叫Michelle，所以特別有一份親切感。」
