梁詠琪上周五（17日）起在紅館舉行《時間遇上我們》演唱會，昨晚（19日）已完成三場演出，樂迷都對Gigi的演出有不少好評，不過期間卻有小插曲，事緣商台DJ梁文禮在欣賞梁詠琪演唱會後，在IG公開賬戶讚台上的Gigi漂亮，但個人Facebook賬戶卻大彈演出及歌技，被網民諷刺為雙面人，而梁詠琪完騷後亦對事件大方回應。
【新聞有價 記者有格 立即訂閱：https://bit.ly/3wGQh7c】
有網民留意到，DJ梁文禮的個人Facebook上載梁詠琪在演唱會開場的歌衫，同時留意大彈演出，寫道：「個flow差，歌編得差，舞差，當然佢唱得差啦~ 其實都預咗，但係無諗過咁離譜，唱K咁！！連《愛自己》都入唔到呀大佬 ，我全晚都睇得好掹，坐立不安……唯一想讚嘅係，佢短頭髮真係好靚好襯佢，身形好，將啲醜嘅衫都carry得好，好似呢件『着上一張抹完鼻血嘅紙巾』咁。」
不過，他在公開帳戶的IG則放上同一張相，只寫道「好靚」及加上心心眼emoji。
梁詠琪完騷後接受訪問，被問到是否留意此報道，Gigi大方指每一個作品，無論是演唱會或電影，都人喜歡有人不喜歡，因人人有不同標準。她亦承認自己有很大進步空間，盡了努力，或未必符合每人的標準，但她會繼續演出，希望大家給時間令自己進步，繼續做得更好。
當被問將來到電台如遇到梁文禮會否尷尬，Gigi笑道：「我未諗這問題。」
至今日中午時份，梁文禮在電台節目上公開向梁詠琪道歉，解釋自己也喜歡Gigi歌曲，也認真寫了一段對演唱會的「示愛文章」，因為自己沒對方電話，便透過Gigi的DJ好友雲妮轉達。
