衛詩雅（Michelle）及導演陳茂賢日前到夏威夷宣傳新作《破．地獄》，Michelle透露是首次於大銀幕觀賞此片，因太興奮而未有在機上睡覺，只在酒店補眠兩個鐘便出席國際電影節的首映活動。
【新聞有價 記者有格 立即訂閱：https://bit.ly/3wGQh7c】
英皇電影《破．地獄》未上映經已獲多個海外影展關注，衛詩雅（Michelle）及導演陳茂賢，日前親赴夏威夷出席《第44屆夏威夷國際電影節》一連串活動，原來Michelle此行更是首次在大銀幕欣賞電影全片，大呼緊張：「今次係我第一次喺大銀幕度睇，因為之前都係喺細嘅銀幕仔睇部份片段，今日喺正式戲院睇，觀感上放大咗多過十倍。」而Michelle亦喜見不少前來欣賞電影的香港人，有種他鄉遇故知的感覺，她指：「頭先最開心就係我見到好多香港人，佢哋話好難買飛呀，其中有一個觀眾話買唔到飛，爸爸都嚟唔到睇，下一場放映都已經滿座。」
此行行程緊密，兩人甫到步即晚便出席世界首映。問到能否適應時差，Michelle笑言：「我喺飛機冇瞓過，瞓唔到因為太興奮，頭先出發前喺酒店補眠兩個鐘，精神好好，因為仍然喺期待嘅心情。」而導演則指：「夏威夷嘅日落好靚，所以喺酒店望出去不停影相，冇特別休息，影到開始天黑就開始預備好心情，出發同觀眾交流。」
導演更笑言內心最擔心Michelle首度睇全片的反應，他說：「呢部戲係需要喺戲院睇，觀感上會好唔同，我比較擔心Michelle睇完戲馬上要做Q&A承唔承受到。」而電影放映後，觀眾掌聲此起彼落，而導演與Michelle更被觀眾紛紛集郵，二人更非常親切逐一拍照及交流。有觀眾更直言Michelle成功駕馭《破．地獄》的角色，演出達到影后水平，祝福她在電影上能夠更上一層樓。Michelle亦深受感動，連忙答謝觀眾支持。
