衛詩（Jill）出道16年，由黎明旗下歌手到2015年與孖生姐姐衛蘭（Janice）一同簽約華納；等了又等，昨晚終於有屬於她入行以來首個演唱會，Janice當然有為妹妹站台板，兩姊妹在台上講感言更齊齊感觸落淚，最後再互相擁抱給予對方支持。而台下捧場的圈中好友亦眾多，包括陳凱詠（Jace）、陳蕾、洪嘉豪、鄧萃雯、泳兒、鍾舒漫、鍾舒淇、陳明熹、Howie@Dear Jane、Kiri T、Jude曾若華、鍾雪、Miss Yellow等等。
【新聞有價 記者有格 立即訂閱：https://bit.ly/3wGQh7c】
甫開場，Jill先唱她06年首張專輯內作品《GET OUT》，接着還有幾首快歌《Funny Jealousy》、《可可》等，音樂製作人Chris Polanco陳杰更驚喜現身和Jill合唱《可可》。Jill又選唱了Big Band成員太陽的《Eyes Nose Lips》，還表示唱完韓文歌後好掛念身在韓國的媽咪，「可惜佢今日嚟唔到，不過唔緊要，爸爸今日有嚟到，一定會有下次！」
不過，講到最感動的部份，一定是Janice上台為妹妹打氣，Janice表示：「終於等到你邀請我做嘉賓，我真係好開心，好開心你舉行個人演唱會，好想趁今晚同你講，知道其實你一直以來嘅音樂生涯都需要好多嘅忍耐同堅持。喺你身邊，除咗睇到你會有失望唔開心嘅時候，更加睇到你嘅耐性，無論有幾多嘢阻住你向前行、要等幾耐，你都會好似一個戰士咁繼續向前，繼續努力，呢個係我喺你身上好想學到嘅嘢。今晚我真係好戥你開心，亦都好感恩我哋依然有機會一齊企上舞台，陪着對方同行。」
Janice一番感言隨即令Jill感觸相擁落淚，Jill說：「我真係好多謝家姐你一直支持我鼓勵我，我簡直覺得你係上帝賜比我既禮物！」說罷兩人齊齊以紙巾拭淚，然後合唱兒時喜愛的卡通片歌曲《If We Hold On Together》及《細細個》。
