唱作人藍奕邦入行20年，除將首張個人專輯《不要人見人愛》製成黑膠碟答謝歌迷外，更宣佈明年1月舉行3場個唱，他笑言：「呢行生存到廿年都係奇蹟嚟！」
【新聞有價 記者有格 立即訂閱：http://bit.ly/3wGQh7c 】
藍奕邦今日（12日）舉辦出道20周年企劃，明年1月將於西九文化區舉行一連三場「藍奕邦《要不要人見人愛》音樂會」，更會復刻2004年首張推出的個人專輯《不要人見人愛》製成黑膠碟，以答謝樂迷廿年來毫無餘地的支持。
藍奕邦率先預告於歌單上，將會做香港歌手很少做的事：「我會喺其中一part，將成隻《不要人見人愛》順序由頭到尾玩一次，我一直好想做呢件事，平時真係冇咁嘅時間，當然都會網羅返我咁多年大家都好鍾意嘅歌。」他期待從《不要人見人愛》開始串連起來，讓樂迷看到藍奕邦過往的20年，以及他未來的音樂旅程。
回顧過去廿年，藍奕邦覺得自己沒甚麼大分別：「好慶幸，喺大家眼中嘅大染缸做嘢，我嘅價值觀、咩係啱咩係錯、我嘅品味，都幾堅持得到，呢個我係幾自豪嘅。」唯一不同之處，是他待人接物的態度：「我永遠都覺得，要識得同人溝通、相處，但係有啲位自己都要去堅持。細個係唔識攞個好嘅平衡，而家會識得搵個平衡點，有自己嘅堅持，同時都可以令人舒服。」
問他這刻的藍奕邦是否最自在？他坦言不知道，但認為自在的時間比不自在的多：「廿年前派第一首《熱帶魚》嗰陣，我有九成時間係唔自在，而家識得喺唔自在之中去適應，更加享受自在嘅時間。」藍奕邦直言未有感懷身世、曾經滄海，反而有種「仲有好多嘢未做」的感覺：「我都好開心㗎，我覺得仲有好多嘢未做、未試，希望嚟緊自己嘅健康、身體同精神所有嘢都繼續好，可以繼續做更多嘢畀大家。」
最後，藍奕邦亦邀請新舊樂迷明年入場睇騷：「我覺得藍奕邦喺呢行生存咗20年都係奇蹟嚟，同埋我覺得大家呢廿年都辛苦啦，所以希望大家一齊嚟慶祝，慶祝大家都仲健在。」音樂會當晚，要與歌迷毫無餘地飲住跳、哭住笑。
