月初「登六」的蔡一智接受電台訪問，他自爆是嚴父，但不是鬧子女，而是「哦」足他們兩、三個鐘。他又指天下父母都沒有一條教育方程式，唯有邊做邊學。
草蜢成員蔡一智（阿智）到新城電台接受譚玉瑛（阿譚）、何基佑及麥皓兒主持的《QK玉瑛室》訪問，獲3位主持激讚外貌和身形完全不像已年屆60之齡，阿智開心分享自己生活好簡單，食得清淡，不食牛羊，食好少肉同甜品，但會飲好多水。
提到日前與一班歌迷開生日派對慶祝，場面熱鬧非常，不過他私下卻未有大搞生日：「都係同朋友食餐飯，冇乜特別，我好悶㗎！第一鍾意湊仔、買餸煮飯，第二就係運動，跑山、游水、瑜伽等。」
提到日前與一班歌迷開生日派對慶祝，場面熱鬧非常，不過他私下卻未有大搞生日：「都係同朋友食餐飯，冇乜特別，我好悶㗎！第一鍾意湊仔、買餸煮飯，第二就係運動，跑山、游水、瑜伽等。」
阿智與太太周雪芳於2006年結婚，兩人育有1女1子，加上周雪芳與前夫所生的女兒Gigi，一家五口溫馨又幸福。他在節目中大談湊仔經，又自爆是嚴父：「我好嚴、好惡、好有原則，要仔女守諾言，講得出要做得到，但我唔係鬧，我係『哦』，會講兩、三個鐘，所以佢哋好驚，哈哈！」阿智透露女兒比兒子乖巧，但每次訓示完，兒子可能會感到不忿，所以需要給他發洩內心不滿，他續指會與兒子攞竹枝互劈，或者去海邊掟石頭，教他們學識控制自己情緒。問是否覺得做爸爸很難？阿智指天下父母都沒有一條教育方程式，真的邊做邊學，都是摸住石頭過河。
自認思想傳統的阿智，今個農曆新年會跟隨習俗於年廿八洗邋遢，又會用碌柚葉洗澡和吃年夜飯：「新年一定着新衫，着新紅色內褲，大個咗啲人話唔好着紅色，要紅到發紫，所以着紫色；初一唔洗頭，近年長頭髮都唔洗，我係好傳統嘅人，雖然鍾意紋身，但我好花心，好快轉咗鍾意嘅嘢，紋咗上身好難轉，身體係白紙最好，襯咩都得。」
