菊梓喬（Hana）與ERROR成員吳保錡傳出緋聞成為城中熱話，不過她表示因有自己的曲風，很少會跟保錡唱RAP的風格，故難與對方在歌曲上有合作契機。
【新聞有價 記者有格 立即訂閱：https://bit.ly/3wGQh7c】
歌手菊梓喬最近又為HOYTV播映的古裝劇《長相思》，演繹港版主題曲《愛失去以後》，以全新方式拍攝新歌MV，一別過往較為靜態的形象，戴住耳機聞歌起舞，又在床上揈手揈腳，同佢平日嘅慘情形像截然不同。
對於《愛失去以後》的主題，Hana笑說：「喺個歌名悲傷啫，只係一個故事，我都無愛失去，大家唔駛擔心我，我OK。」Hana在MV 中亦有兩個截然不同的造型，一個是較為動感的，穿上小背心的Hana亦罕有騷出事業線，而另一造型是比較感性的，Hana邊唱邊淚流披面。
提到與保錡的緋聞，兩人又會否有合作或合唱的契機呢？她說：「呢樣就難啲，我嘅工作都比較單一。（對方唱RAP 都好勁喎？）其實我自己嘅歌都有一定曲風，好少去跟風。」Hana希望未來有多啲衝擊，可以嘗試多些曲風，甚至參與拍劇、出外拍綜藝都無問題。
此外，保錡最近獲網絡hater的留言啟發從而得出靈感，創作出全新派台作品《跑吧，小丑》，保錡說：「有個haters曾經留言話我係跑步小丑，呢個創意好高，所以就啟發我要做呢首歌。」保錡更邀請了多位圈中好友，一同參與以黑白默片方式呈現的MV作品，他十分感激眾人的參與：「大家喺娛樂圈擔當唔同崗位，但其實都同《跑吧，小丑》呢首歌裏面嘅小丑角色一樣，想喺觀眾面前表現得更好。」而今次MV特別以黑白默片模式拍攝，他解釋：「想向差利卓別靈致敬，因為佢就係第一代諧星笑匠。」
