草蜢成軍37年，一連四場紅館《RE：GRASSHOPPER 草蜢演唱會2022》昨晚（10月29日）來到尾場，圈中不少友好往支持，包括軟硬天師兩位靈魂人物林海峰及葛民輝，原來十年前的同一天，草蜢和軟硬在紅館合體舉行《草蜢森巴大戰軟硬Fan演唱會》，對他們來說，這個晚上特別有紀念價值。此外，其他往捧場的人還有曾志偉、谷德昭、伍詠薇、林德信、關心妍、鮑起靜、方平、江美儀、院小儀等。
【新聞有價 記者有格 立即訂閱：https://bit.ly/3wGQh7c】
為了樂迷、為了師傅，三子雖然做足一百分準備，但演唱會來到尾聲，蔡一傑突然感觸哽咽，原來他尾場開騷前突然失聲，他說：「剛才黃昏六點左右，我失咗聲，然後我入咗醫院，我好驚，好驚唱唔到⋯⋯我一路好緊張，即刻打畀醫生，我話我開唔到聲，我好驚，跟住我即刻入醫院打針，變返嚟（聲線）見你哋，我一定要唱到為止，我開番聲嘞，多謝醫生，多謝歌迷畀我嘅力量，多謝你哋一直支持草蜢。」傑仔更感觸得一邊喊一邊與蘇志威、哥哥蔡一智合唱《我們》，為一連四場的《RE：GRASSHOPPER 草蜢演唱會2022》完美落幕。
此外，蔡一智亦有在台上多謝師傅：「我哋仲要多謝一個人，就係我哋嘅師傅梅艷芳小姐，我知佢今晚有嚟睇，我哋三個每次開演唱會都係送畀佢，我哋唔會忘本，一定要做到最好，唔可以失禮我哋師傅。」
完騷後，草蜢受訪時表示，因為舞台批文問題無辦法再加場，坦言唱四場根本「唔夠喉」，蔡一智更豪言回到家中要跑步「放電」，他亦講得出、做得到，凌晨兩點半拍下影片分享到社交網站說：「剛剛開完四場演唱會，返到屋企、落完妝，好似唔係好夠喉，即刻出嚟再跑（步）過，希望今次睇咗我哋演唱會嘅觀眾朋友，收到草蜢嘅心意，『RE』，將自己提升到2.0，以後面對任何困難，我哋都會繼續衝過去，堅持到一日，一定會變得更好，如果今次大家好似我咁樣，睇完演唱會唔夠喉，希望我哋好快可以喺紅館開Part Two，到時約定大家，不見不散，繼續向前衝，Yeah！」
