由少爺占、當奴組成的艾粒，為慶祝成軍20年，昨晚在Star Hall舉行一連四場《歌頌生命沿途有你艾與粒激情雙星璀璨二十ICHIBAN香港之夜》音樂會，開場先由管弦樂團奏出「艾粒Medley」，回顧20年間的歌曲揭開序幕，之後少爺占和當奴以一藍一紅「海膽」造型唱出《個頭痕唔痕呀》、《舞台皇者》及《邊個話你醜》，令全場「粒粒粉」尖叫氣氛High爆。
【新聞有價 記者有格 立即訂閱：https://bit.ly/3wGQh7c】
少爺占感激「粒粒粉」排除萬難支持：「好嘟多次，安心嘟嗰啲嘟，先嘟到入嚟！」而經常被指是潮流達人的當奴，自覺因為未「中招」而唔入流，指自己每日都到樓下檢測中心撩鼻，「其實我好唔想中，但又少少想中，因為見到中咗嘅朋友好Free，好似用咗衛生巾咁！」少爺占則說：「唔好呀，中咗好似有腦霧。」兩人指艾粒是變種omicron：「好多人對我哋都有抗體，但有更加多嘅人選擇同我哋共存。」
不過，少爺占就自爆之前宣傳期已「中招」要留在家中隔離，又表示這幾年間，不少朋友已離開香港，他問一個移居台灣的朋友現最開心是甚麼，朋友說在台灣最開心就是沒甚麼：「其實無事忙先至係最值得珍惜，我哋都係想簡單生活啫，而唔係0加3嘅第4日，第6日要做『肉酸』檢測，同埋人就係人，唔係黃碼、紅碼、藍碼囉，希望在座各位同埋我好多喺外地嘅朋友，可以過啲平凡、平靜同平安嘅日子。」
至於當奴穿黑色緊身衣扮蜘蛛俠，「知唔知點解我成日黑口黑面？因為呢個世界令我黑口黑面，揸車、做嘢、同埋呢個世界令我黑口黑面，點解會咁，因為我面對好多事，但我咩都做唔到，我只選擇黑面，黑得多，大家都怕咗你，自己都怕咗自己，所以，我想戴個面具遮住自己。」當奴說做自己是最難，但幸好有個角色做了二十年，更是領銜主演，「如果艾粒係令大家開心嘅，我更加開心，因為艾粒令到唔開心嘅我可以笑番，艾粒就係我哋我哋就係艾粒。」
來到音樂會另一個高潮，就是少爺占自彈自唱Edan（呂爵安）的《E先生連環不幸事件》，當奴則曬麒麟臂又跳又唱Anson Lo（盧瀚霆）的《Megahit》，令台下觀眾尖叫四起。尾聲聲兩人更派福利除衫騷肌，但最驚喜是兩人台上收到大會通知，將明年二月開Part II，事前不知情的兩人，感到難以置信。
完騷後兩人接受訪問，當奴是騷前承認秘密離婚5年，他表示說完鬆了兩口氣，因之前一直沒有機會講，現與前妻Jan關係仍如家人，今次開騷Jan為避傳媒追訪，所以提早在總綵排已欣賞。
