ViuTV繼《造美人》後，近日開播《肥美人》，29位大碼美人全部BMI達25以上，不過各自有才華及實力，昨晚（12日）的節目當中則以BMI達43.3的陳映同（Lezlie）及大學講師Chanhnez最為搶Fo！
ViuTV另類選美節目《肥美人》初賽評判陣容鼎盛，主評審有何超儀、阮小儀、楊詩敏（蝦頭）；以及14位來自不同界別的專業評審，包括《造美人》冠軍Stella及潛水一排後又出返嚟嘅雪姨！
大學講師Chanhnez（方芷茵）指因為覺得節目有意義，所以決定參加並表演鋼管舞，主持駱振偉更用「震懾」二字來形容她的表演。Chanhnez受脂肪水腫這個病影響，「下身會存咗好多脂肪，普通飲食同做運動係減唔到，仲跟埋一大堆病徵，例如撳佢好易痛」，指出因練鋼管舞在腿上留下不少瘀痕，令評判之一的余逸思（Yoshi）感到佩服。
8號陳映同（Lezlie）任職大碼模特兒，體重達270磅，BMI 43.3，是29位參賽者中最重磅。Lezlie自我介紹已展示其自信的面，「我覺得自己係一個美肥人，全身上下都靚，《肥美人》呢個節目係俾我表演自己嘅音樂，同埋俾我哋呢班女仔去展示我哋嘅勇氣、智慧、美麗嘅舞台」。
而作為大碼模特兒的心路歷程，Lezlie指「經歷咗好多嘢，好多欺凌、好多排斥、好多謾罵」，「有好多無聊嘅網民，唔滿意我哋嘅生活，可能會比佢哋精彩」。何超儀鼓勵Lezlie不需要聽太多閒言閒語，做好自己本份就足夠，又引外國藝人Rihanna登上France Vogue雜誌封面一事。
今集被淘汰的佳麗包括只有2分的哈比（盤惠兒）、5分的小玲（林小玲）以及6分的關菊英歌迷會成員師弟（譚頌欣）。
值得一提的是，Channel C早前訪問體重達85公斤的K-pop導師區凱琪亦將於今晚節目亮相，讀者可以先回帶我哋嘅專題片！
