早幾日先講完NFT市場被指「崩塌」，轉個頭英皇娛樂就宣佈同Meta Times及Sandbox合作，由張敬軒擔大旗率先打造「Hinsland」，仲有機會舉辦虛擬演唱會！
呢排聽得最多嘅詞語入面，「元宇宙」一定有份，英皇娛樂就話希望喺音樂業務上，提供另一種嘅娛樂體驗，拉近藝人同粉絲之間嘅距離。「Hinsland」入面會有軒公化身「HC」，又會有Fan Club，Meta-Avon Studio、起居室等，可以在大宅內收到張敬軒的最新消息！又有「軒公餐廳」，由「遮遮」煮暗黑料理畀你食，最緊要嘅係，入面仲會有歌劇院，意指軒公會搞虛擬演唱會，嘉賓仲更加冇限制：「相信不久將來會同世界各地嘅歌手合作，以後飛機都唔使坐，請嘉賓可以國際化。」
今次英皇元宇宙project投資近千萬，打頭陣嘅「Hinsland」相信今年第三季可以對外開放，到時粉絲便可以喺「HinsLand」與張敬軒拉近距離！
