商台DJ梁文禮今年2月因看完梁詠琪演唱會後，在公開IG跟私人FB對演唱會表達相反看法，被網民形容是雙面人，惹來不少風波。其後商台發出聲明，表示在雙方同意下，暫停梁的主持人職務3個月。今日（5月1日）梁文禮正式復工，日前他已在IG分享看完林宥嘉演唱會的感受，並以對方歌曲為靈感，抒發停職3個月有何啟發，及對再次復工表示感恩。
【新聞有價 記者有格 立即訂閱：https://bit.ly/3wGQh7c】
台灣歌手林宥嘉上周五（4月28日）起在紅館舉行3場演唱會，梁文禮亦有欣賞。他撰文大讚演出精采，指每首歌呈現同樣令人目不暇給，內容十分打動人亦釋出很強正能量，表達每日要感恩，多些發出及接收愛。
梁文禮亦指過去兩個月，他得到好多意見及支持，亦有前輩對他當頭棒喝，「袋了好多嘢落袋」，甚至有時行街，都有不少人對他表示「加油」，令他十分感恩。
他以林宥嘉歌曲《壞與更壞》中一句「誰又夠運氣去任擇 各種美滿回頭路」分享：「其實兩星期前我已經返咗去商台，喺幕後幫吓節目手，喺家姐（謝茜嘉）同嘉賓開live嘅時候岀岀入入搏上鏡🙃我第一日返電台，一行入商台大樓，守護叔叔，Reception姐姐，清潔叔叔，881同事，admin同事，CEO，人人都面露笑容咁歡迎我『啊~ 返嚟喇！好喇~ 你OK嘛？』上嚟宣傳嘅歌手同唱片公司朋友都熱情歡迎，當然仲有903兄弟姊妹WeWa鬼叫嘅歡呼同抱抱，感受到前所未有嘅支持同愛，超級感恩。」
此外，他又再以《 想自由 》及《完，》引伸：「許多事情都有選擇 只是往往事後我才懂得」：「Yoga介紹《 完，》嘅時候話『完之後係逗號，唔係句號，世界上無嘢係唔會完蛋』我之前有諗過要放棄，仲要好強烈亦咬牙切齒話要走！但係經過呢兩星期儲滿咗嘅『愛 & 感恩』同埋過去兩個月嘅自我調整，我可以繼續向前行，唔俾自己完。《完，》還沒完，還沒完…」
最後梁文禮表示會在5月1日，回歸《叱咤樂壇》。
