盧瀚霆（Anson Lo）一直工作繁忙，但今年他嘗試放慢腳步，讓生活各方面取得平衡，更將這個生活體驗融入新歌中，讓樂迷一同感受那份寧靜美。不過他拍攝歌曲MV時被長鏡頭拍攝方式考起，陷入前所未有的迷茫中。
【新聞有價 記者有格 立即訂閱：https://bit.ly/3wGQh7c】
Anson Lo新歌《致我》將自己今年的感受轉化成歌詞，靈感來源來自我行山或者去沙灘休息，他說：「之前喺 social media 都有分享一啲我去沙灘嘅經歷，年尾好想回顧一下，就用咗沙灘嘅休息時間，作為今次歌曲主題。呢首歌係送俾每日喺呢個咁繁忙城市裏面嘅人，希望大家可以抖抖氣，放慢腳步，去搵返寧靜，同埋搵返簡單生活節奏。」
在今年年初，Anson Lo曾許下承諾，希望可以做到 work life balance，他覺得自己都算做到：「因為喺工作與工作之間，花多咗時間同屋企人食飯，亦都喺放假、放break嘅日子，走上山睇下風景行下，令到自己內在平靜咗好多。」Anson Lo以往沒有行山的習慣，今年他作出了一些改變：「自己好少有戶外活動或者行山活動，但今年想突破吓自己，發覺同大自然相處，自己會舒服啲。」
歌曲希望大家尋獲寧靜的感覺與狀態，MV方面也希望營造出這份恬靜，所以以長鏡頭拍攝無物一身輕的簡單生活。但Anson Lo表示今次是他拍過MV中最迷茫一次：「因為以往係跳舞為主，或者慢歌都係有故事情節嘅嘢，來得比較直接，但今次比較moody，喻意多啲，節奏比較慢，我係對呢種拍攝手法好陌生，出道6年都冇試過呢種拍攝方式同節奏，就算戲劇嘅演出經驗都好少。」至於沙灘的拍攝部分比他想像中來得複雜，因要配合陽光走向，還要避所有工作人員的人影，有時轉身的時間又不太準，所以總共拍了十多take。
