MIRROR「教主」盧瀚霆（Anson Lo）今日推出2022年第3首個人新歌，繼之前兩首快歌《Mr. Stranger》及《King Kong》後，今次推出慢版情歌《永順街39號》，更找來黃偉文填詞。而此歌MV是繼《不可愛教主》後，Anson Lo再次請來陳漢娜（Hanna）擔任MV女主角，兩人扮演情侶，雖然甜蜜畫面升級，但當中卻是一個分手故事。
【新聞有價 記者有格 立即訂閱：https://bit.ly/3wGQh7c】
歌名《永順街39號》其實是Anson Lo就讀的小學地址，用上這個地址做歌名，全因為他的初戀發生在小學六年級，他希望透過歌曲分享自己這段〝Puppy Love〞，也罕有地表達他對愛情的遺憾與初衷：「講愛情，大家都可以relate到，因為大家都會有愛戀嘅經歷，唔一定係相戀，亦可以係暗戀，但不論係點樣嘅經歷，會有好或壞嘅遺憾，都會係非常刻骨銘心，即使相隔多年後，依然唔會忘記。」Anson Lo灌錄這歌時，坦言腦海不斷出現與初戀情人一起的畫面。
Anson Lo再邀Hana合作拍MV。上一次是一個「女追男」的故事，今次則來個劇情大逆轉，變成Hanna「狠飛」教主，女方提出分手後，男方決定繼續養兩人曾經的小狗：「代表我雖然冇咗情人，但佢永遠會留喺我心底裡面，仍然擁有呢段回憶，會好好珍惜。」
而MV中跟Anson Lo演對手戲的貴婦狗「忌廉」，Anson Lo合作過後力讚對手：「忌廉比我想像中合作，其實好多狗仔怕『生保』，但佢任摸唔嬲，想同佢Kiss佢又肯。拍攝時只係第一次見佢，已經好叻仔。」不過，忌廉中途突然鬧情緒，表現怕人；還忽然跑開，令Anson Lo有點不知所措，幸好最後也順利完成拍攝。
Wyman亦有在社交平台講Anson Lo的新歌，他說：「教主最初的訂單：想講『遺憾』。所以4月底交歌詞時的歌名叫做《遺憾日常》，我是蠻喜歡那種淡淡的鬱鬱的永遠的⋯⋯後來Anson收到歌詞，覺得這個歌連結到他自己一個非常personal的人生故事，便與我討論：『能不能將歌名改成《永順街39號》？』我話：『不如你講你個故仔嚟聽吓先啦？😊』結果，我們都共識到，難得歌手在一首歌之中找到了自己這麼多的血肉與靈魂，將它放到最personal的位置，其實就是對聽眾的真誠。於是，歌名就變成一個男孩子純情萌生/失去的座標⋯⋯故事，還是留給主角自己慢慢講吧。」
#盧瀚霆ansonlo #mirror #教主 #永順街39號 #mv #陳漢娜 #hanna
