《張敬軒THE NEXT 20 演唱會》昨日舉行最後一場補場，壓軸出場的嘉賓包括軒公的知己王菀之，以及MIRROR的陳卓賢（Ian）與柳應廷（Jer）。Ivana送上禮物時，還讀出一份令人感動不已的信…
【新聞有價 記者有格 立即訂閱：https://bit.ly/3wGQh7c】
軒公介紹這位多年前陪伴他度過抑鬱症的好拍檔時，說每次舞台都不能缺少她：「我諗好多新認識我的朋友，都唔知道佢除咗係靈魂相認嘅朋友之外，亦是出生入死的好拍檔。」
「好多年前一次外埠演出，由於與主辦方溝通上失誤……所以令到我與Ivana被困喺一個場館好耐好耐，當時我哋以為我地嗰晚應該走唔到」。幸得朋友趕來解救，否則「唔可能完整咁企喺呢個舞台上面，我咁大個仔都未見過咁大把牛肉刀啊講真」。Ivana出場後，二人一同合場《留白》。
唱罷第一首歌後，Ivana說：「有少少怕醜，因為大家冇戴口罩咁見好耐。」然後向軒公送上3份禮物，第一份是自家品牌咖啡豆的紙袋，「知你鍾意飲咖啡，所以我想送呢包Boffee咖啡豆畀你。（軒：呢度夠唔夠沖一杯？）裏面冇嘢嘅，如果你同我買呢，我就擺返啲咖啡豆落去」。
第二份禮物，是學鄧麗欣宣傳她演出的舞台劇，還透過場館螢幕向觀眾宣傳演出日子。軒公即大表不滿：「你連我導演監製都收買埋，有冇搞錯？」Ivana即說：「大家自己人，冇得咁計嘅。」
第三份禮物就是Ivana自己所寫的信：「張敬軒，你過得好嗎？冇見你的日子，我同你同好多人一樣，都喺度好努力咁追尋自己嘅夢想，有時好困難，但都冇諗過放棄，因為放棄就會成定局…（軒公開始眼濕濕）你唔好嚟啊，我讀唔到㗎！」
Ivana繼續讀道：「但唔放棄，一路行下去都仲有希望，所以我哋都要繼續努力啦。無論將來會係點，我都祝福你未來有更多個20年，做你夢想嘅事，生活開心自在。」
「幾年前我哋喺同一個地方，你問我，如果下一世遇唔返我咁點算呢？…（軒公感動流淚行開）你一陣間首歌好多高音㗎，你唔好嚟啊…我怕你唔記得，所以我而家再答你一次：『我會去搵返你㗎。』」
兩人感動相擁之後，軒公打算收信，Ivana方說還有一句，要繼續讀下去。「感謝天父賜畀我哋，呢位光芒唔係喺頭上嘅皇冠，而係由心裏面發出嚟，照亮好多人嘅張敬軒。」二人之後一同合唱《高八度》，間奏期間，軒公行禮邀請跳舞，Ivana要他上前擁抱。
歌曲唱罷後，軒公向Ivana行過吻手禮後再次相擁，為兩人真摯的友誼留下美好回憶。
