王菀之（Ivana）的舞台劇《Proof求證》昨晚完成最後一場，14場演出獲外界一致讚賞，Ivana順利完成演出十分感動表示：「噚晚最後一場，我覺得整個團隊都做出100分，大家都好享受舞台上嘅每一刻。我真心好多謝陳淑儀，陳康，吳鳳鳴，佢地教咗我好多，同佢地做戲係一種享受！另外仲好想多謝導演司徒慧焯（Roy）！大家都百份百支持我去做呢個劇，所以我噚日訂咗好多嘢食畀大家，當係一個小慶功！」
【新聞有價 記者有格 立即訂閱：https://bit.ly/3wGQh7c】
至於可會開Part II ？Ivana說自己很心多，若再做舞台劇會想嘗試不同角色，加上還有其他工作安排，所以這刻還未知道會否Re-run：「每日穿過虎道門化身Catherine，最初團隊問我有冇唔捨得？我答『冇』， 因為每日演呢個角色，已經到咗自己嘅精神極限，我唔想再經歷呢個可憐女仔，想盡快逃離Catherine嘅世界。但唔知喺幾時開始，Catherine進駐咗我心入面，個腦隨時都會響起舞台劇嘅音樂，個心好重，好深刻好難忘，原來我都係會唔捨得。」
連日有不少藝人往捧場，但可以令到Ivana有壓力竟是老公Eric So，她說：「今晚老公嚟咗睇...哈。佢喺度就有少少壓力，佢剩係睇尾場...佢話撐closing。（老公睇完有咩評語？）冇呀，佢從來唔會畀咩意見，不過佢有佢另類方法去默默支持我囉，一路以來佢都支持咗我好多。」
完了14場演出，Ivana另類收穫是瘦了十多磅，她笑言：「大家已經開咗個盤，睇下我幾耐會「反彈」，有人話幾日，有人話七日，我自己話係聽日！」Ivana稱會休息兩天，之後便正式歸隊為電影《飯戲攻心》宣傳。
原文提供：田木集作
