王菀之（Ivana）相隔11年，明年2月於紅館舉行入行20周年紀念個唱，由於多年來創作了200多首歌，她謂開了多次會亦未揀好歌單，連音樂總監就都問是否提早傍晚6點就要開騷。
【新聞有價 記者有格 立即訂閱：https://bit.ly/3wGQh7c】
王菀之將於2025年2月22至23日舉行《合體 – 王菀之演唱會2025》，他表示是次演唱會是入行20年的一個紀念騷，是20年來創作路上的合體，也是表演者與觀眾的合體，這個世界孤獨一人很難成就夢想：「諗呢個名個陣，我會諗到好多合體，第一件事就係要同自己嘅內在小孩合體，再同身邊嘅人合體，再同世界合體，由小的力量變大力量！ 合體，一個交流，一個同理心都係合體，20年來創作路上，我少不了歌迷的支持，我可以開一個演唱會唱嘅歌全部由自己作曲，好幸福，全因有大家嘅支持。 舞台上表演者沒有觀眾，也形成不到一個成功演出，所以今次邀請大家入場，再一次嚟同我合體，成就呢個20年的紀念日。」
今次演唱會海報不再在影樓拍攝，選景香港區某角落以非常純綷、直接、真實的呈現一個開心笑着的Ivana：「靈感係嚟自佢地覺得我最近愛上攝影，重要係鐘意左影黑白相，一個好簡單直接冇花巧嘅我。」Ivana指20年來試過好多不同造形，不同角色呈現在觀眾面前：「有唱歌嘅我，電影嘅我，舞台劇嘅我，或者卡通配音嘅我，全部合體其實就係一個簡簡單單，同大家一樣生活喺同一個城市入面嘅王菀之，同各dreamer 一齊努力奮鬥。」
Ivana表示今次演唱會將會有非常多突破，她謂首要事要突破團隊爭相要求她唱甚麼歌凡鬥爭：「原來我不經不覺創作咗200幾首歌。而好多歌都唔想放棄，好想唱。所以開咗10次會都未揀到歌，依家一共50幾首係大家都唔想放棄，音樂總監就反問，咁係咪呢個不可抗力之下， 我哋要提早喺六點就要開場。」
她更笑言今次不打算換衫：「通常演唱會都會準備最少6至8套衫，由於我好想專注送好多歌同大家分享，咁珍貴兩個幾鐘，終於可以紅館見面，我唔想有一刻唔係同大家一齊，所以今次想突破唔換衫！如果喺演唱會之前，俾大家見晒啲衫，好唔好？入場之後就「合體」！ 不如等歌迷揀啦，寧願我唱多幾首歌定係想我去換衫？」
