王丹妮首次拍攝賀歲片，她坦言自己是個容易笑的人，所以拍喜劇最難忍笑。但亦令她學懂用不同的語調節奏說話，令到拍出來的效果更好笑。
王丹妮（Louise）參演的賀歲片《臨時決鬥》將於下月上映，她承認拍攝過程中最忍不到笑，形容自己是戲中最容易笑的一位演員，她說「我之前冇拍過喜劇，所以對我嚟講都好新鮮，原來都係一個挑戰，要忍笑真係唔容易。好彩我鍾意睇笑片喜劇，又係一個好容易笑、好容易喊嘅人。」她表示後來找到蹺妙，在現場拍攝前同預演時都會「笑咗先」，到正式拍攝的時候便盡力忍笑。
提到為拳擊戲份努力練拳可曾受傷，身為初學者的Louise說，「對於泰拳，我係零知識。由基本動作開始學，有少少難度，但都算學得快，平時同教練切磋，不時加緊練習；加埋鏡頭配合，感覺都幾流暢，絕對交到功課㗎！」她指與周秀娜對打始終有難度，「我唔係好有對打經驗，所以要記住每一個Step，唔可以記錯，如果娜姐打左邊，而我記錯咗打右邊，咁又要從頭嚟過，甚至會可能唔小心互相弄傷，練習期間間唔中都會出現咗呢啲小問題，好彩拍戲嘅時候，記實咗啲步伐就順利過關啦！」
雖然電影短短過多月便完成，但Louise透露一齊去「度笑料」令到件事很有趣。同時漸漸領略到喜劇說話用不同的語調節奏，都會令到件事好笑，「我就悟出個道理來，就係認真到極致而突然做埋啲傻表情同反應，有反差反而都會幾好笑。」
