七仙羽（七師傅）接受電台訪問，獲薛家燕大讚是「開心果」又有愛心，在慈善活動親力親為，出錢出力。而七師傅表示人越善良越容易俾人「蝦」：她說：「娛樂圈夠惡就冇人敢搞你，你搞佢就會落你降頭！」
【新聞有價 記者有格 立即訂閱：https://bit.ly/3wGQh7c】
七仙羽（七師傅）接受薛家燕主持的電台節目《開心大派對》訪問，家燕姐在節目開始時為七師傅抱不平，並爆七師傅鮮為人知的善心事，讚七師傅好有愛心，對社會及低層家庭好關注，好幾次慈善活動中，都見七師傅出錢出力，早到之餘更等到儀式完結才離開。而節目另外兩位主持范振鋒、思敏也好奇問七師傅是否中間有所誤會？七師傅即說：「人愈善良，愈容易俾人『蝦』。尤其娛樂圈，夠惡就冇人敢搞你，你搞佢就會落你降頭！知我哋善良的就會『蝦』你。」更指家燕姐：「妳係開心果，好有愛心，個個都好鍾意妳，可能都會被『蝦』，因為妳開心，日日都笑，妳將正面及笑容淹沒晒唔好的事。」
眾人又大談印尼落降頭傳聞，七師傅更笑指睇到家燕姐、范振鋒及思敏都沒有被落降頭，並指阿范沒有「小三」，所以沒被落降，並說：「男人最大機會被落降頭，一定係因為有『小三』。」家燕姐即時請教七師傅蛇年捉「小三」妙法，七師傅即教路：「蛇年係誘惑一年，蛇代表情慾及引誘，引蛇出洞，『小三』、『小四』特別多！要在西北方及西南方，分別放全家幅，西北方代表男性；西南方代表女性，咁就男女都唔會出軌。」家燕姐即刻緊張地寫低，七師傅與阿范即取笑家燕姐：「妳好驚咩，哈哈哈！」家燕姐即笑晒說：「放心，我冇男朋友，只係幫同事記低，哈哈！」
