去年MIRROR紅館演唱會因舞台大型顯示屏墮下而受傷的李啟言（阿Mo）仍然留醫，阿Mo父親李盛林牧師每星期均發出代禱信交代兒子治療進度，但外界一直以為阿Mo已能夠自主活動，李牧師則解釋其實阿Mo現階段仍需借助機械幫助。
昨日（25日）李牧師現身羅乃萱網上直播節目詳細解釋了阿Mo近況，並透露阿Mo在最近的練習中已可步行1萬3千多步。
【新聞有價 記者有格 立即訂閱：https://bit.ly/3wGQh7c】
李牧師在訪問中不時露出笑容，似乎對兒子的擔憂放下不少。羅乃萱問到阿Mo是否已能夠自己起身活動，李牧師解釋並非如此：「阿Mo暫時四肢都不能夠自主活動，我意思自主係唔能夠發揮到，而家郁係全部靠機械去郁。呢啲機械，據教授講，對佢骨質，對佢肌肉、關節、甚至神經嘅刺激都有幫助，所以近呢兩個零月，佢嘅肌肉、關節一路都係進步緊。」
他又解釋機械如何連接阿Mo身體：「係腦肌互動，（阿Mo）頭頂貼住一啲電極之類，駁咗去電腦，電腦分析pick up佢腦電波，通過頸落到去機械手，個腦諗住我要合埋手揸住嘢，經電腦出，佢隻手就會合埋；佢要放開，機械手喺腦電波控制之下放開。」
他指醫學教授不斷為阿Mo增加設備：「今個星期多咗樣嘢，好多謝中大嘅教授，做多個機械到肩膀位令佢手臂可摺合。」最近3個月，機械已訓練到阿Mo肩膊肌肉，令他雙手可以自主地打橫伸展，而三頭肌可以支撐身體，令他能夠平衡身軀，更容易配合機械運作。
李牧師表示：「暫時94、5%係被動，而踏步係幫助關節同肌肉，教授指佢肌肉強咗同多咗好多……睇住佢第一次行嘅時候，好難想像到，大家都喊，因為當初入去（醫院），Day 1醫生話覺得佢95%一世瞓喺度……之後可以企，好感謝神！」
他續稱：「呢個對阿Mo好大鼓勵，而且臥床咁耐要佢起身，其實都驚會發生兩個極端反應，一係血壓上升爆血管，一係就驟降休克，結果好正常。前日再做，計算咗佢可以踏1萬3千幾步，而且血壓平均，對一個患上輕微高或低血壓嘅人嚟講，阿Mo比佢哋（血壓）更正常。」
