洪永城太太梁諾妍用接近兩小時完成《渣打香港馬拉松2025》半馬賽事，她透露剛巧月事周期，但對整體表現影響不大。
《渣打香港馬拉松2025》今早（9日）舉行，不少藝人都有參與各項賽事，包括去年7月誕下女兒的連詩雅、洪永城太太梁諾妍、無綫藝人林子善、許家傑、林淑敏、阮浩棕、黃美棋 ，歌手譚旻萱、組合CallStar的陳健安及梁釗峰等。
梁諾妍（Inez）以1小時58分到達終點，她接受訪問時表示滿意今次成績：「今次冇真正好充足瞓練，志在完成，成績又唔係咁醜怪。」提到於社交網站指剛巧是遇上「親戚」來訪，她謂：「我跑咁多年馬拉松都冇發生過，但表現又唔係差好遠。冇諗過唔參加，跑步係無止境。」Inez指今早未受寒冷天氣影響：「今朝唔算好凍，去海外跑天氣仲凍，香港跑好舒服。」
提到洪永城未有現身，Inez解釋對方有工作在身，但出發前已為她打氣。Inez表完成賽事後會去欣賞3歲大女首個跳舞表演，她笑說：「我好期待，所以快啲跑完去睇佢表現。」
此外，Inez的好友連詩雅以1小時12分完成10公里賽事，她上載拿着獎牌照片，留言說：「好耐冇跑渣馬，差點忘記個種熱血嘅氣氛。真係可以push到自己盡D！雖然同我最佳嘅時間距離好遠，不過比起訓練嘅時候又快咗好多，練習 7:30-8分 1K，今日居然 6:30-7:05分 1K，所以呢種熱血精神真係可以帶動到個人節奏。」
