洪嘉豪（Kaho）一連兩場《The Cycle of…Kaho Hung Live 2022》昨晚在西九竹翠公園開鑼，今次是Kaho首個個人演唱會，不少圈中好友往捧場，包括岑寧兒、程人富、Win Win（楊安妮）、米露迪、Dee姐（陳海寧），還有Zpecial的康聰和Waiyin、衞詩等。Kaho以《我懂》揭開序幕，再配以雪景非常浪漫，隨後跳唱出《表情符號》及自彈自唱《好奇殺死愛》，全場橙海熒光棒非常熱烈。
【新聞有價 記者有格 立即訂閱：https://bit.ly/3wGQh7c】
陳蕾之前說忘記Kaho要開騷，又說一旦做嘉賓要收足歌酬，但其實都只是講笑，陳蕾首場就上台與Kaho合唱《救》，Kaho說：「我刻意唔同你對望，我好驚笑咗....」陳蕾反駁:「唓，我ready晒你拖我手，點知你又唔拖，講起自己都想笑囉！」Kaho以best friend來形容陳蕾，又指她是院友（Fans暱稱）心目中最喜愛女歌手。至於第二位出場的嘉賓衛蘭（Janice），Kaho感激她給了自己很多機會：「全部都係你畀我，去到邊都帶住我。」
此外，Kaho一向有「華納張家輝」稱號，今次演唱會他獲得張家輝拍片祝賀，家輝說：「嘉豪，聽講你開騷喇喎，喺度祝你有個Good Show先，我亦都代化骨龍一齊祝你有一個圓滿嘅演出、順順利利，恭喜恭喜。」事前不知情的Kaho，見到家輝在大螢幕出現即嚇得跪地高呼：「好勁呀呢個！多謝家輝哥…」演唱會尾聲，在觀眾瘋狂叫「除衫」的情況下，Kaho順應民意掀高上衣曬肌，最後他唱出《逆時車站》完成首晚演唱會。
完騷後，kaho接受訪問表示連月來要兼顧拍戲及演唱會排練，有晚收工回家在電梯內突然爆喊，最終企在家門前喊足一分鐘，之後拭乾眼淚才敢入屋，怕給母親看到擔心，現在個唱演出順利，感到流過的眼淚都是值得的。
