泳兒推出以自己愛情故事為主題的新歌，更參與MV的故事創作。對於今次參與幕後度比以往更高，她表示對拍片及剪片都有興趣，希望能儲多些經驗，將來可以執導自己的MV。
泳兒（Vincy）新歌《無糖可樂》及MV以情侶日常為題，今次找來情侶組合小塵埃合作。Vincy一直以來甚少分享她和伴侶的小日子，今次歌曲圍繞自己故事，她再次邀請非常信任的黃偉文（Wyman）填詞，將自己的愛情日常一一告訴他，Wyman亦決定為她寫一首關於愛情長跑慶祝紀念日的歌。最巧合的是，她與Wyman分享自己愛情小故事當日，正正就是Vincy跟男友的拍拖周年紀念日！
雖然今次是一首最純粹平實的愛情小品，但Vincy坦言自己並非甜蜜的人：「我係take action嘅人。譬如佢想我幫佢做啲乜，我會即刻做。我哋兩個都係怕羞嘅人，唔會攬攬，係會大家拍吓膊頭。」
Vincy亦為MV擔任創意顧問，有份揀寵物演員，她表示：「因為我想揀一隻識笑嘅狗，所以就揀咗『細細』。亦有份負責度故仔，尤其是某啲情節，希望比較貼地。例如本身諗住寫字條俾對方，但我覺得現代人多數用電話，所以呢啲細節都會同導演溝通，點樣可以更貼近我嘅生活。」
MV中不少情節都是Vincy的日常，她表示最喜歡夜晚睇戲情節，她解釋覺得兩個人同埋寵物，簡簡單單在屋企煲劇睇戲已經是一件平淡得來又幸福的事情。提到這次比以往參與幕後度更高，Vincy謂其實自己對拍片同剪片都好有興趣，近期都會出多些片自己剪吓片，希望儲多些經驗以後可以有一部自己執導的MV。
