江嘉敏（Kaman）日前宣佈離開效力9年無綫後，與HOY TV一班台前幕後落區做善事。她受訪時坦言不捨得舊東家，但她萬萬估不到消息公佈後，不少客戶聯絡她合作，更有人邀請她唱歌，Kaman指不抗拒唱歌機會，更揚言有興趣參演舞台劇。
江嘉敏日前在監製張志明的帶領下，與《健康關注組》的敖嘉年、吳雲甫 、麥詩敏、李婷婷、唐浩嘉、洪韻騏等往旺角社區會堂派發福袋給予老友記。首次手持HOY TV 咪牌受訪的Kaman坦言感覺好奇妙：「因為係舊公司九年，坦白講真係有啲唔捨得，最唔捨得梗係一班同事啦，當啲散水餅運到我屋企，我一打開...我係真係有落淚嘅。」
離巢後有不同的工作邀請，Kaman說：「我自己都萬萬估唔到，以為離巢消息一出，好多客戶會搵我拍劇、拍節目嘅方面比較多，我真係估唔到反而係唱歌嘅工作比較多，問我有無興趣唱歌，梗係有興趣啦。（之後仲有咩工作想嘗試？）其實咩類型嘅工作都想嘗試，好坦白講有好多嘢我都未試過，例如做吓司儀啦，唱歌曲我都試過嘅，演唱會都叫開過，但我都唔抗拒有更多唱歌嘅機會，仲有舞台劇我都想試吓，因為從來未試過嘛。」
原本歐倩怡（Cindy）亦會來參與活動，不過Cindy身體不適就由敖嘉年頂上，嘉年謂：「每次佢哋見到我哋都好開心嘅，有啲估話睇返以前嘅劇。」吳雲甫立即插口說：「佢真係好識氹班老友記，個婆婆認到佢，佢竟然叫人妹妹喎，個婆婆不知幾開心。」新婚不久嘅麥詩敏就被催生，可以𢭃多些利市，她話暫時未有此計劃。
