毛舜筠（毛姐）、謝君豪、談善言、張繼聰、袁澧林、童星董安娜；周二晚（25日）出席「第19屆香港亞洲電影節」開幕禮，兩套開幕電影分別為《過時．過節》及《窄路微塵》；而有份演出《過》片的MIRROR成員呂爵安（Edan）則未有現身。
【新聞有價 記者有格 立即訂閱：https://bit.ly/3wGQh7c】
不過，戲中飾演Edan母親的毛姐表示阿囝（Edan），稍後將會歸隊為電影宣傳：「出嚟啦！（謝票活動？）都會喇！」更透露《阿媽有咗第二個》再有謝票活動，「佢哋出嚟，佢哋會再出嚟謝票，睇咗唔夠20次嘅人要再出嚟睇，因為啲囝會出嚟謝票，仲會有好多新嘅安排畀大家睇。」
另外，毛姐表示因為太忙，故未有時間捧場看新劇《季前賽》，至於鄭裕玲（Do姐）約滿TVB決定離巢不續約，結束44年賓主關係，毛姐稱事前不知道，亦未有機會和她傾偈，但毛姐覺得人生就是這樣，總會離離合合，何況效力無綫已很多年，都應該轉換新環境，自己亦期待Do姐再演戲。會否提議Do姐和MIRROR合作？毛姐說：「我知佢都好錫MIRROR，等我試下游說下一齊拍戲。」
