毛舜筠（毛姐）跟呂爵安（Edan），還有謝君豪、談善言、袁澧林（Angela）及梁祖堯等一同主演的新戲《過時‧過節》，將在本月24日上映，而毛姐的YouTube頻道周六晚上戴了「毛姐飯堂之《過時·過節》生日飯聚」節目，當中她再度親自下廚，請來Edan、祖堯、Angela、《過》導演曾慶宏、文念中以及特別嘉賓古天樂作客，各人一邊享受Mo姐手勢，一邊傾談電影話題，另外還即場跟10月生日的古仔、Angela及昨日（5日）生日的毛姐切蛋糕慶祝。
【新聞有價 記者有格 立即訂閱：https://bit.ly/3wGQh7c】
戲中飾毛姐兒子的Edan，於節目中更出任阿媽的廚房助手，不過表現卻有點雞手鴨腳；兼不時有奇怪的問題，如毛姐準備了泰安雞做材料，Edan多嘴問：「有冇爵安雞？」Mo姐聞言笑說：「你想做雞？」兩人即場狂笑。接着毛姐叫Edan戴手套撕雞；以炮製「雞絲粉皮」，但他竟問：「兩隻手都要戴？」毛姐不禁「反白眼」問他：「你用兩隻手撕喎。」Edan即露出尷尬的笑容。
期間Edan回想拍攝此戲的過程，他坦言是最緊張的一套，又無安全感，因不是自己一貫做開的工作及表演，擔心自己一人會破壞整套電影：「真係好lost（迷失），初時自己只係識好細聲講嘢，但你（毛姐）提我講大聲啲同清楚啲，毛姐好好，之後佢同我惡補每一句，之後再約埋去導演度，逐句逐句去研究，應該點樣講。」此時，毛姐問Edan平時是否說英文，他即惡搞說：「我平時唔講嘢。」
而Edan表示拍了此戲後，令自己對屋企的感受增加不少，另外還有反思，他謂：「你一出世，嗰啲就係你嘅家人，呢個連結就係一世。通常對屋企人永遠都係最差嘅一面。」Mo姐聞言似乎十分認同：「係最真實嘅一面，唔使保留。」
尾聲古仔又大讚毛姐對香港電影業的熱愛，他表示：「香港電影業做得好辛苦，但佢仲有心咁去整一餐飯， 鋪排咁多，唔止呢部戲，所有有份做嘅戲都一樣，最敬佩佢係願意同新人合作，帶動啲新人，所以佢同我講呢部戲，我話絕對冇問題，同埋你問我， 我哋都想香港電影業好，所以我哋必須攜手做好佢。」最後他叫大家向毛姐敬酒。
