謝霆鋒時隔25年再開個唱，一票難求，不少歌迷渴望加場。有歌迷日前於港九海濱演唱霆鋒經典歌曲，又召喚他本周六（8日）一同參與busking。甚少玩社交媒體的霆鋒「上水」，親自回覆：「咁多人tag我搞咩？覆緊大家，畀啲時間！」
【新聞有價 記者有格 立即訂閱：https://bit.ly/3wGQh7c】
謝霆鋒將於4月24至26日於啟德體育園舉行《Evolution Nic Live謝霆鋒進化演唱會》 ，為香港歌手第一人，門票半小時售罄。霆鋒出道而來有多首經典作品，有街頭樂隊剛於周日（2日）在觀塘海濱busking，大唱霆鋒的《活着VIVA》、《玉蝴蝶》、《無聲仿有聲》等，圍觀歌迷更不時大喊謝霆鋒的名字，氣氛熱鬧。
有見今次反應熱烈，busking的搞手及多名網民於是在Threads公開請求謝霆鋒，出席本周六晚於灣仔海濱舉行的活動。不經常玩社交媒體的謝霆鋒見狀，竟親自回覆說：「咁多人tag我搞咩？覆緊大家，畀啲時間！」今次成功召喚「上水」，好多網民都好驚訝，希望霆鋒屆時可以現身，一同大玩busking。
