歌手鄧小巧今年第二首派台作品《只記住你》今日（20日）上架，小巧表示，這是她首次創作一首那麼悲傷的歌曲，由於MV太過催淚，她在錄音時更一度無法開聲，要爆喊40分鐘才可以平伏情緒。
【新聞有價 記者有格 立即訂閱：https://bit.ly/3wGQh7c】
《只記住你》由T-Ma及小巧一同創作，小巧亦負責填詞。她表示自小由外婆湊大，視外婆如半個母親，但外婆離世前後經歷過十分痛苦階段，所以填詞時不由自主想起她。
「寫呢首歌，係好想對有失去過親人、告別過親人、又或者唔一定要係死亡，就算係嗰個人可能唔再喺你生命入面，希望大家唔再一齊生活嘅時候，都可以好好咁記住對方美好嘅一面，就係寫呢首歌嘅出發點。」
被問及歌曲MV最深刻的一幕，小巧直言是婆婆送別孫女的一場戲，MV中，小巧飾演「孟婆」，端着一碗以眼淚為主要成份的「孟婆湯」給女主⻆KuKu喝，而KuKu這一天是來跟她的婆婆、媽媽及好友道別。小巧表示，「一個老人家預計就算唔可以睇到你成長結婚，但係你突然間離世，對於老人家嚟講係一個好大嘅打擊。」她更坦言，在錄音時想起這場戲時已經大哭一場，稱「錄錄吓我喊住講：『我真係唱唔到呀，我唔得呀！要喊陣先呀。』前前後後過了近40分鐘先可以平伏個人情緒，重新投入歌曲。
小巧表示，創作期間，總覺得旋律有着「太有希望的感覺」，但當填上詞後，就會明白「希望」的源由，「如果我要記住一個人嘅話，我淨係想記住佢美好嘅一面、佢陽光照耀嘅一面、佢同我行過嘅地方、佢搭過我膊頭嘅掌印，就係因為帶有少少嘅希望，先至可以令到我寫到。」「我覺得有傷痛冇問題嘅，但面對傷痛係最重要。」
