台灣歌手楊丞琳於商場為5月舉行的演唱會宣傳，她謂「嬲嬲豬」自己廣東話退步很多，但學識「老Best」一詞，更希望今次把握時間，與好友蔡卓妍（阿Sa）聚舊。
闊別7年，今日於又一城舉行《楊丞琳「LIKE A STAR」世界巡迴演唱會 — 香港站》 記者會，宣佈將於5月4日在香港亞洲國際博覽館 Arena舉行個唱，吸引粉絲到場力撐偶像。
楊丞琳相隔7年再在香港舉行個唱，香港樂迷一早「收到風」網上熱烈討論，今日更大清早來到商場等候，拿起《香港粉絲支持妳 世一 Rainie》Banner應援。商場2、3樓都企滿粉絲大叫「楊丞琳」。Rainie以露腰性感T亮相，又多次拉開毛毛披肩，大騷「馬甲線」纖腰，氹得粉絲好開心，而且更全程用廣東話對答：「我今天真係很興奮，還有點緊張，因為好耐冇同大家見面，同埋好耐冇講廣東話！我學了一句『老Best』去形容好友，Fans們都是我的『老Best』，約定你地5月4日見！」
不過Rainie卻不斷嫌自己廣東話差，期間Rainie話：「我廣東話真係退步好多，我嬲嬲豬啊！」Rainie笑言「嬲嬲豬」一詞是否仍適合自己，仲自爆已經40歲。
Rain久未在香港舉行個唱，她表示很掛住Fans，自爆呢次個唱會演出廣東歌，以答謝Fans多年支持：「我愛你哋呀！從你哋嘅聲音可以聽到你地真的很掛念我，聲音有點慘、有些走走的音。」她表示來港開演唱會，想把握機會見好友阿Sa，笑指兩人上次只有1小時見面！
