C AllStar成員梁釗峰明天（31日）生日，唱片公司「寰亞音樂」日前為他舉辦慶祝活動，全場逾百「峰心粉」大合唱生日歌和送上蛋糕，席上並宣佈釗峰的個人歌迷會「峰心學院」正式成立，讓他今年生日別具意義！釗峰更邀請同門小師妹雲浩影（Cloud）和「造星V」學員李嘉俊（Carson）出席表演，及與現場Fans玩遊戲，大派禮物和合照留念。
釗峰出道14年，過往以C AllStar團迷為主，單飛發展兩年，終於成立個人歌迷會，笑言要向Cloud和Carson兩位「請教」，他說：「我個人歌迷會今日成立，這方面好green，想請教兩位同Fans在歌迷會交流心得，想知會同Fans分享啲咩？」Cloud便透露會與Fans交流打機心得：「我會同大家聯誼下，分享Fans獨有福利，TG Group好似一個小天地，可以盡情做一個好開心嘅自己。」釗峰認同：「係，可以乜都傾，因為他們的愛，令我可以好放，反應亦好直接。」Carson說：「其實我FC都係剛成立，早你少少，但無你咁大規模。因為Fans鍾意聽我唱歌，有時會錄幾句歌分享，亦會分享同朋友有趣嘅生活照。」
歌迷會取名「峰心學院」，釗峰解說：「我諗好耐叫咩名，除『國際國迷會』咁官方名字，就諗到叫『峰心學院』，因為我啲Fans叫『峰心粉』，我想成立一個『學院』，他們平時叫我『教授』，希望大家好似入到大學有唔同『社』，我興趣好多，鍾意跑山、身心靈、禪座、Board Game(棋盤遊戲)⋯⋯希望有唔同『社』畀佢哋參與。」
提到集體遊戲，Cloud興奮地提議玩「狼人殺」和「劇本殺」等真人角色扮演遊戲，釗峰立即邀約他們一齊玩。他又搞笑玩食字：「『峰心學院』又名『峰心禪院』，希望大家接收我嘅訊息，即係『收風』，亦可獎『修心』！」
活動上，釗峰演唱兩首新歌《已⋯⋯(3235)》和《愛情難以許何我們回到當初(1717) 》，Cloud亦演唱新歌《無以名狀的痛》，Carson演繹了張敬軒作品《隱形遊樂場》，完場後齊聲表示未夠喉，希望一齊開音樂會，以不同配搭形式合唱。Carson表示在台上緊張到手震，Cloud安慰說：「你表現得好好，其實我都學習中，上台仍然會好緊張。」釗峰鼓勵：「你們控場好好。我緊張好視乎台下觀眾，如果係自己友，就會輕鬆啲，甚至特別放。如果台下觀眾未認識我，或者撓埋手睇我唱成點，我就會有『無以名狀嘅壓力』。」
