林穎彤（Bella）與梁茵於微短劇中與林德信（Alex）有三角關係。Alex笑指賀歲劇，內容都會比較誇張，加上七仙羽狂爆肚加持，為新春大放笑彈。
林德信、林穎彤、梁茵（Kiko）、七仙羽、李尚正（阿正）、盧頌恩（妹頭）、阮偉倫（阿倫）等主演的HOYTV首個自家微短劇《我家有囍事》將於新春期間推出。首次拍攝微短劇的Bella飾演千金小姐，她笑言角色和現實完全相反：「今次呢個角色都好跳掣，仲要同梁茵爭林德信喎！咁要諗下點樣演繹會比較好。」
阿倫亦今次做一個受盡萬千寵愛但一事無成的孻仔，更笑言非常滿意自己這個躺平的角色：「有七師傅呢個媽咪，梗係享受吓呢種躺平嘅感覺，日日淨係攬住佢，同埋問候佢！」七師傅於拍攝現場不斷爆肚，簡直殺大家一個措手不及。她解釋微短劇一定要搞笑，一定要誇張，太平淡就不好看，所以裏面的字眼要好爆，等人想不到。她又大讚Bella樣靚及沒有整容：「呢個市面上真係好少㗎喇！」
Kiko大爆自己角色是拜金女，更會與Alex及Bella大搞三角關戀，她說：「因為屋企人自細都係教育我要嫁個有錢人，所以一知道Alex嘅角色係一個有錢仔，又靚靚仔仔咁，所以就非常傾慕佢！」而Alex笑言自己所飾演的會計師「傻傻地」，他說：「太過nice唔識得say no，但始終都係一套賀歲劇，所以當中嘅內容都會比較誇張同搞笑。」他指有七師傅現場狂爆肚加持，每次都會有驚喜。
至於合作無間的李尚正和盧頌恩，破天荒首次飾演兩夫妻，阿正表示同妹頭應該沒有親密場面：「我哋做主要場口鬧交居多，所以應該冇一啲肉博嘅場面，但我應該會同另外一個演員有動作戲。」而妹頭亦笑言可以做正爺的老婆非常興奮。
