林家謙6場紅館演唱會昨晚（19日）揭開序幕，首場嘉賓包括張敬軒、Serrini、JW王灝兒、JNYBeatz 、雷同二友及隔空跟他合唱的陳凱詠（Jace）。為撐老友悉心打扮的Serrini，以一身黃白色蛋糕裙造型亮相，完Show後Serrini就在facebook發帖稱自己是「梁燒賣」，引來不少fans畀Like同留言；fb群組「香港燒賣關注組」之後亦開po呼應話「琴晚睇演唱會見到粒燒賣係度行黎行去」，結果Serrini本尊都留言畀credit負責今次造型，服飾的相關人士。
【新聞有價 記者有格 立即訂閱：https://bit.ly/3wGQh7c】
講返演唱會，Serrini與家謙合唱重新編曲的《Don't text me 》，兩人合唱後，家謙就講笑謂：「我哋唔講嘢㗎喎！」Serrini隨即對大家說：「佢叫我上嚟講嘢㗎喎！」然後問家謙知否她正在放假中，又指因為家謙表示會送珠寶給她，所以她才出現，但家謙否認自己有說過。
至於軒公與家謙則合唱《假以時日》，兩人唱罷先來一個深情擁抱，之後家謙本來要落台換衫讓軒公演唱《笑忘書》，但家謙最後改變主意，留在台上為軒公彈琴伴奏。
全場觀眾整晚都極度熱情，尖叫聲幾乎沒有停過，尤其家謙又唱有跳，雖然舞步有點生硬，但觀眾卻睇得十分興奮。不過，今次演唱會的確排除萬難才能走到開騷這一日，家謙在台上亦一度感動落淚，說話亦多次哽咽，他以新歌《邊一個發明了ENCORE》作結尾，然後在台上講感言：「有啲嘢帶住一啲遺憾，帶住一啲失落，一啲唔圓滿，先至會記得喺心入面會更加深厚，所以希望大家記得今年嘅夏天一齊喺呢度相聚過。」
內文部份由「田木集作」提供
