林作抽水事件，林作曾經發出「堅決不道歉」聲明，但日前接受傳媒訪問時竟拉埋阿媽落水，兩母子鞠躬道歉。不過網民並不收貨，更恥笑林作「裙腳仔」。而支持他的網民亦表示失望，指他話唔道歉又道歉。林作今次兩邊不是人。
【新聞有價 記者有格 立即訂閱：https://bit.ly/3wGQh7c】
全城轟動的荷里活廣場命案發生後，「抽水王」林作在社交平台發帖文，模仿疑犯造型，被網民鬧爆，其後林作堅決不道歉，並聲稱只是開玩笑。
但日前，林作接受傳媒訪問時，突然轉口風，並拉埋媽媽Lily（王莉妮）落水，齊齊躹躬道歉。不過林作的表情似乎極不願意，鞠躬後連忙轉身坐低。
網民似乎亦唔收貨，留言嘲笑林作「既然唔想道歉，就唔好為道歉而道歉啦，仲拖阿媽同女朋友出來揹獲（鑊）幫你求情，戥你肉酸呀」、「點解咁大個人做錯嘢仲要拉埋阿媽出嚟？係咪想同大家講你係裙腳仔」、「最睇唔起呢種男人，sorry，真係唔係男人」、「輸咗間廠，都要執返粒糖」。
即使粉絲亦唔buy：「應承咗唔道歉，點知最後都道歉跪低，30幾歲人仲帶埋老母鞠埋躬」。
