近月北上發展的李璨琛，不時拍片跟內地網民互動，而昨日（27日）正是他的47歲生日，老婆梁志瑩（Sophia）趁着好日子在社交平台宣布再度懷孕的好消息，現年4歲的囡囡李元元（Lucy），即將「升呢」做大家姐喇！
【新聞有價 記者有格 立即訂閱：https://bit.ly/3wGQh7c】
「李老母」Sophia昨日在Lucy的IG帳號，上載她趴在媽咪肚皮上，露出「四萬」笑容的相片宣布喜訊：「今日係爸爸生日，除咗想同佢講聲生日快樂之外，仲想同大家分享一個更開心嘅消息，就係：老母終於都再次懷！孕！了！因為個肚太唔明顯，但係老母又好想D（啲）人對佢再好D（啲）：讓下位俾（畀）佢坐呀、扶下佢過馬路呀、買嘢排隊可以插隊呀、或者買嘢唔洗俾（畀）錢呀等等。所以決定要公佈（布）啦！決心要做一個無恥嘅孕婦，half way to go，今次究竟係Richard1.0，定Lucy2.0，大家估下。」
帖文一出，除了不少Lucy的忠實fans立即留言祝賀，李老母的一眾圈中好友如蔡卓妍、林芊妤（Coffee）、倪晨曦、連詩雅、吳日言等紛紛留言恭喜，可見大家都十分期待Richard1.0或Lucy2.0出世的一天。
現年4歲的Lucy，自出世後李老母便為她開設IG帳戶，以第一身的身份為Lucy紀錄成長及生活的片段，由於Lucy自小已肥嘟嘟、十分可愛，加上越大越有表演慾，Sophia又在相中配上有趣搞鬼的內容，因此令Lucy成為人氣高企的KOL，足足有逾38萬位followers，難怪近年她更成為廣告商的新寵兒。
