MIRROR自紅館舞台意外發生後便休團，如按照Makerville公布8月及9月為休團期，那麼12子距離重回工作崗位尚餘兩天時間，相信不少鏡粉都十分期待。與此同時，昨日9月28日是紅館舞台意外發生兩個月，作為Mo的女友蘇芷晴（So Ching），亦在IG Story留言，隔空與男友說話：「兩個月喇 我望住你 我知道我哋無其他選擇 你一定會好番！」
【新聞有價 記者有格 立即訂閱：https://bit.ly/3wGQh7c】
早前Mo爸、So Ching與多位舞者見面，從相片中可見So Ching臉容憔悴及瘦了一圈；但不少Mo及So Ching的好友均指，So Ching比大家想像中堅強，甚至反過來安慰大家。而昨晚亦不少Mo的舞台戰友在社交平台撰長文表達感受，繼續為Mo集氣。
舞者Kaki於28日晚，上載了與Mo在攝於紅館的照片，指照片攝於事發前一星期，又說那天晚上零晨完成排練後，為了希望各人都可以爭取時間休息，故安排每一Part只留下一男一女換上Costume ，其餘的就盡快回家。還記得Mo當日說：「So Ching應該已經回到家中等我了。」大家還說笑，指Mo回家後應該看見So Ching在吃杯麵。Kaki感觸寫道：「對的，她仍在家等他，只是每天茶飯不思夜不能寐的等他回來。」之後又說：「兩個月…我們還在等一個原因 一個交代 一份尊重 一個希望 我們還在等你回家。」
另一位Mo的戰友saiter同樣選長文抒發情感受，還說對一般人來說，每日返工，放工，放假，最後又繼續返工是常態，但一場完全無法想像的意外，「都唔知係唔係意外嘅『意外』，就將呢個常態徹底打破。」
saiter表示經常會問「點解係我哋？」，但相信一世都得不到答案。「Mo代大家『食』咗呢個幾十年嘅計時炸彈，呢個代價實在太沉重太昂貴，舞台上面嘅我哋/Mirror，都絕對無可能承受得起呢個代價。」最後saiter亦有為Mo打氣：「我知道你一定會再企返起身，繼續番我地既『常態』。一齊嗌攰，一齊錫身mode跳，一齊周身痛，一齊講9嘢，一齊打機。」
而在MIRROR演唱會綵排受傷的Zisac，於IG上載了插畫家reochers所畫的一張有Mo在內的插畫，Zisac留言寫：「最近望返好多舊相，入面好多都係紅館表演時嘅相，睇到好享受舞台嘅自己，心想如果有一日再以舞蹈員身份踏上台板，我仲會唔會咁享受，抑或會不停擔天望地，深怕上面幾時會有嘢跌落嚟；或者台面幾時會有不能預計嘅錯誤，我從來都冇諗過原來齊人上台，無穿無爛咁一齊落返嚟都係一種幸運。」
Zisac還寫道：「兩個月了，啟言仲喺醫院，先唔講再上台，希望變返之前咁嘅身體狀態都要祈求奇蹟。啟言身體需要好多時間，咁調查同交代需要幾多時間？我哋等緊一份報告，等緊一個交代。」
