古天樂擔任總監製和主演的《明日戰記》票房已衝破5,000萬，前財政司司長曾俊華今日（11日）在社交平台，分別上載他和家人入戲院捧場，以及和古天樂的合照。他還留言寫：「睇到香港可以拍出一套場面咁浩大震撼嘅科幻片，睇到香港電影界仍然有人敢當追夢嘅冒險家，實在有一種莫名其妙嘅感動。」
【新聞有價 記者有格 立即訂閱：https://bit.ly/3wGQh7c】
曾俊華續指，他仍在政府工作時已經認識古天樂，形容古仔熱心社會公益，且不要求成為鎂光燈焦點，經常在背後默默地為社會做事，「認識古仔愈久，你就會知道他是一個好有義氣嘅好人，尤其在香港電影業最低迷嘅時候，他出錢出力幫助電影業發展，是好值得大家尊重。」
講到香港首部科幻電影，曾俊華形容是古仔從影以來嘔心瀝血之作，開創香港電影史無前例的題材，「以香港首套大型科幻片來說，即使有啲細節不完美，但絶對可接受，如果冇人敢踏出第一步，就唔會有下一步，唔會有拓展新領域嘅可能。正如電影裡面一句對白所講：『個結局係點，由我哋自己決定。』」曾俊華還在文章後加hashtag寫「個天可以灰 個地可以灰 我哋唔可以」不少網民留言表示支持這位薯片叔叔。
另外，曾俊華又提到英女王伊利沙伯二世，指自己跟英女王同月同日生日。他說：「在中秋節前夕，傳來英女王伊利沙伯二世逝世嘅消息，我相信對於不少香港人來說，英女王都係一個集體回憶。還記得她在21歲生日那年，即在登基前5年，發表咗人生其中一個最重要嘅演講，她向國民發表誓言，指自己無論生命短暫或漫長，都將會為英聯邦全體人民、為國家鞠躬盡瘁，奉獻一生。我相信她已用一生，完完全全履行咗呢個承諾。」
