本地樂隊Nowhere Boys首次創作情歌《票房毒藥》，放低擅長電影式搖滾風格，由黃偉文（Wyman）填詞，寫出即使被稱為票房毒藥，但只要在世上找到一位知音人，讓自己作品化成靈魂守護已經足夠。今次MV邀請電影《流水落花》導演賈勝楓執導，並由《毒舌大狀》男女主角黃子華和楊偲泳（Renci）演出，MV在紅磡一間舊式戲院取景，由子華和Renci擔任MV主角，Nowhere Boys與fans客串扮演戲院觀眾和路人。
【新聞有價 記者有格 立即訂閱：https://bit.ly/3wGQh7c】
原來結他手Ken與子華有更一段師徒情緣，子華到場後與他敍舊，Ken介紹隊友給子華認識。子華說：「我依家好鍾意一個狀態叫『冥冥中』，Wallace（郭啟華）搵我，唔知點解聽完好想做，所以就水到渠成。」
拍攝順利完成後，子華說：「好玩，唔辛苦，又唔熱。真係『冥冥中』，今日好多驚喜，見到我的老師，佢搞到我隻手痛咗幾個月，原來佢係呢隊band嘅成員，而且我之前睇過佢哋做騷。仲有呢首歌由Wyman填詞，好耐冇見佢真人，好開心遇到佢份詞，見到大家拍MV咁投入，好激勵。」主音Van說：「無諗過今次獲得子華神加持，仲有Renci（楊偲泳），佢哋來自大家都好熟悉的電影團隊，真係好勁，多謝佢哋參與演出。」
他坦言邀請子華演出原本只是一個天真夢想，嘗試向公司提出，結果非常驚喜。他說：「我當初想請子華神拍MV ，因為佢曾經有段時間被形容『票房毒藥』，不過唔緊要，去年佢憑《毒舌大狀》已經成為過億票房電影男主角啦！」
他表示當子華答應演出後，才知道結他手Ken原來跟他有一段緣份。Ken說：「幾年前子華嚟睇我哋做騷，完騷後問我可唔可以教佢彈結他，所以我教咗佢一段時間。」至於Renci，Van與她在朋友聚會中認識，笑說：「嗰晚我哋成班朋友一齊食大閘蟹，仲各自帶咗啲食物去，佢對我同太太一齊整嘅香蕉蛋糕好捧場，食咗唔少。」
Nowhere Boys特別準備了兩份禮物答謝子華和Renci，Van說：「其中一份係暖水壺，上面由我太太Wendy用英文書法寫上Renci名字，希望佢平時拍戲可以沖多啲暖飲，身體健康。」另一份是由結他手Ken親手製作的結他Cable（導線），原來他手工出色，連外國專業錄音技師都稱讚靚聲。Nowhere Boys極力推薦樂迷用耳筒欣賞新歌，因為今次歌曲送到哥倫比亞混音，連續幾日通宵製作，而且採用analog（類比），用錄音帶錄製，高質素享受。
「今次好開心邀請到Wyman填詞，佢問想寫咩？我話Nowhere Boys出道以嚟未有一首正式情歌，通常都好rock。佢就提議寫一首內心一點，意思係唔需要全部人都好愛我，只得一個人欣賞就足夠。其實我哋從來都唔妄想全世界都鍾意我哋音樂，只要一直有支持的聽眾已足夠。」
