鄭欣宜（Joyce）自去年3月自今停工逾1年半，近月不時被網民「野生捕獲」合照。其好友許廷鏗今午出席《新城勁爆頒獎禮2024》時表示，Joyce狀況OK，又笑說：「佢太易認啦！」他又指仍等待為對方的歌曲MV擔任男主角。
樂壇今年第一張成績表《新城勁爆頒獎禮2024》今午舉行，共頒發67個獎項。許廷鏗（Alfred）的《聆聽世界這分鐘》奪得「勁爆歌曲」，他同時奪得「十大卓越歌手」獎。其他得獎者包括曾比特、周吉佩、張馳豪、魏浚笙、小塵埃、黃妍、鄧小巧、陳柏宇。而傳被無綫雪藏的炎明熹未有到場，但仍獲大會頒發獎項。
Alfred接受訪問時表示，能與好友鄧小巧一同獲得「卓越歌手」獎感到開心：「佢入咗新公司又有大家好喜歡嘅歌曲，同佢一齊入行然後經歷唔同高高低低。今日佢得到大家喜歡係一件好開心嘅事，開心係我哋一齊堅持緊，向住自己目標行緊，所以攞到呢個獎好開心。」
他又透露今年有新嘗試，除為自己的歌曲填詞外，亦有為組合MATCH填詞，歌曲反應不錯。問到會否幫鄧小巧的歌曲填詞，Alfred謙虛說：「我自己文字功力可能差少少，如果佢有需要我絕對可以幫佢。」他又笑言有多一個填詞人給各位歌手採用。
提到另一好友鄭欣宜停工逾年半後，近日被網民「野生捕獲」。問到欣宜近況，Alfred說：「佢OK，佢太易認啦！（網民讚佢瘦咗又靚咗。）咁咪好！瘦唔瘦唔緊要，靚咗緊要啲。」欣宜停工期間曾為Alfred的《一場同學》拍攝MV，問到兩人可有合作計劃，Alfred說：「等佢拍MV我做男主角。我諗佢計劃緊，佢有新計劃，我義不容辭嘅。」
