大家成日話要撐港產片，其實除咗去戲院睇之外，仲可以投票！手機App「Hong Kong Movie」舉辦嘅《Movie6全民票選電影大獎》今年第五屆，秉承住「有份睇就有份投！」宗旨，全港觀眾就係評審，由提名之中先揀5強，再揀最後贏家！
投票將分兩階段進行，第一階段得返一個星期可以投票咋！喺9大獎項候選名單中，大家可以投自己最支持嘅電影、導演、演員，同埋海報！第一階段結束後，各項大獎得票最高嘅5個單位，將自動入圍第2輪候選名單，而5強結果將於5月24日公佈。第二階段就會喺5月25日至6月7日接受投票，繼續一人一票選出得獎者，最終得獎結果將於6月9日公佈。
今年合資格參加大獎嘅香港電影共有33部，包括《梅艷芳》、《智齒》、《媽媽的神奇小子》、《殺出個黃昏》、《馬達‧蓮娜》、《怒火》、《拆彈專家2》、《一秒拳王》、《濁水漂流》、《手捲煙》、《G風暴》、《喜歡妳是妳》、《狂舞派3》、《逃獄兄弟》、《一級指控》、《假冒女團》、《拳道》、《不日成婚》、《二次人生》、《等一個擁抱》、《總是有愛在隔離》、《真‧三國無雙》、《金錢帝國：追虎擒龍》、《感動她77次》、《我的印度男友》、《我要做特務》、《遺愛》、《除暴》、《有你一個就夠》、《女人街，再見了》、《鬼同你住》、《#PTGF出租女友》同埋《燃燒的夏之龍虎鬥》。
