許廷鏗（Alfred）最近推出新歌《微時 TIMELY》，由相識多年好友鄧小巧作曲兼填詞，Alfred直言想把這歌送給所有識於微時的朋友，當中包括鄭欣宜及林欣彤。而Alfred最近亦非常忙碌，推出新歌以外，又再為合作無間的啤酒拍廣告。
新歌《微時 TIMELY》內容講及友情，問到他有沒有如歌詞說講，會經常相約好朋友把飲談心傾訴，Alfred 說：「梗係有，像歌中說夜半講幾句好過藥水，修補些心碎，不安的思緒漸散去......最開心是同朋友一齊把酒談心，傾談內容就唔好講啦，但每次都好開心，雖然有時她們會好衰將我醉醉地個樣放上IG story，哈哈。」
Alfred又透露最近自己YouTube channel 節目「鏗gry廚房」會再添食第二季，到時會邀請更多好朋友上節目。「食我煮嘅美食兼把酒談天。有咩朋友會出現，大家留意住啦。」
第五季《全民造星》的亞軍KC黃家灝，一直是許廷鏗的排舞老師，Alfred也有捧場看對方的比賽，「恭喜他得到亞軍，其實看節目都有擔心，他兵行險著最後用齋跳舞去比賽，好開心觀眾評判都get到其用心，因為他背後真的付出好多時間同努力，其實得到甚麼名次都冇所謂，日後會有更多好的平台去發揮！我只希望他不要愈來愈忙，連教我跳舞時間都冇，我演唱會都係他排舞，而之後亦都希望他繼續同我一齊做更多演唱會呀。」
至於新廣告。今次他大顯身手表演足球技術，讓不少歌迷驚喜發現，原來官仔骨骨的他，都充滿運動細胞。Alfred當日踢波，需要用腳長時間控球，又用鉸剪腳踢花式，久沒有踢波的他，拍之前笑言好驚，但埋位才發覺原來只是自己過份緊張，一上腳記憶馬上回來，不需NG 已經踢到，導演並立即收貨。
Alfred笑言：「其實以前在大學都有踢U TEAM ，成為足球員是我以前其中一個願望，我爸爸也是足球教練，哥哥都踢得好叻，細個跟住他們在足球場留下不少腳毛同足印，不過後來就放棄足球夢做歌手，最深印象未入行前，代表大學踢HALL TEAM ， 那時未入行未參加歌唱比賽，但在學校都有好多人支持嗌我，諗番都可以用風頭幾一時無兩來形容，哈哈。今日拍廣告又要我踢波，令到我所有兒時回憶返晒黎，希望冇失禮老竇啦。」
