1987年建造業訓練局招收學員的廣告當年深入民心，當中「人工仲‧‧‧哈哈哈」更是經典對白。近日演出《膠戰S3》的岑珈其，就成為全新一輯建造業推廣計劃廣告男主角，並以「搵爺爺」為主題，講兩爺孫透過穿越時空見面。原來珈其以前確實參與過地盤工作，他回憶過去往事時，不忘加上「人工仲‧‧‧哈哈哈」的金句。
【新聞有價 記者有格 立即訂閱：https://bit.ly/3wGQh7c】
由業界聯合舉辦的「看『建』未來 『築』及生活 香港建造業推廣計劃」早前公佈廣告男主角前，曾讓網民競猜誰是演出者，珈其稱網民真的好有創意。「我日日去望大家留言估邊個，有好多我估唔到但非常有趣答案，連有份拍上一輯廣告的強尼都有留言，仲話細細個就睇過1987年嗰個經典廣告。有資深觀眾仲勁，講到經典對白如『人工仲，哈哈哈』、『呢座紅磡體育館同東區走廊我有份起』、『我想同太太搵疊靚樓呀』。這個廣告真的深入民心，所以呢份荀工梗係由我嚟做啦！」
珈其回憶：「出道初期工作冇咁穩定，我曾經做過建築工人維持生計，『人工仲‧‧‧哈哈哈』，所以係一個好好經歷。今次廣告中，我爺爺同我都是建造業界人士，廣告想帶出由1980年代至今，建造業一直是幾代人筍工，足夠安居樂業。」他也感激觀眾及同業支持，令他於演藝路上一步步愈行愈穩。
廣告中的孫兒，穿越到當年經典廣告中尋找「爺爺」，對白因應時代修改為「呢條東區走廊同M+博物館佢都有份起」，向原版廣告致敬！
拍攝廣告時，珈其要憑空想像自己與經典版本廣告主角互動，演技備受考驗。珈其對廣告片一開首的辦公室記憶最深刻：「一講起建造業，大家會即時諗起工地工作。其實除前線工友之外，建造業工種範疇好廣闊，例如拍廣告時我所飾演的文職工作等等。希望大家睇完廣告，有興趣加入建造業搵份筍工之外，仲會了解多啲建造業嘅現況同發展機遇。」
